Pièces diverses. En aissi cum son plus car, (+ Index)

Pièces diverses. 

Chanson attribuée au Comte de Poitiers et a Prebost de Valence.

En aissi cum son plus car,

Que no solon, mey cossir,

E plus honrat mey desir,

Dey plus plazens chansos far.

E s' ieu tan plazen chanso

Fas, que n' ai plazen razo,

Ben er ma chansos plazens

E guaya et avinens,

Qu'el dig e 'l fag e 'l ris e 'l bel semblan

Son avinens de vos, per cuy ieu chan.

Per que m dey ben esforsar,

Ab lauzar et ab servir,

De vostre ric pretz grazir;

E 'n dey Amors merceiar,

Car de mi vos a fag do,

Que be m ren ric guizardo

Dels greus, durs malstraytz cozens,

E dels plazens pessamens

Qu' ieu ai de vos, cuy am e vuelh e blan

E fug e siec e dezir e soan.

Sens mi fai vos soanar, 

Que no m' en mostra jauzir;

Azautz vos mi fay abelhir,

Dompna, e m fai vos dezirar; 

E siec vos, car m' es tan bo, 

Quan remir vostra faisso, 

E us fug pel brug de las gens, 

E us blan, quar etz tan valens,

E us vuelh, e us col per sufrir derenan,

E us am, quar vey qu' a mon cor plazetz tan.

S' ieu volia ben lauzar 

Vostra lauzor, ses mentir, 

E l' honrar e l' aculhir,

E 'l vostre avinen parlar, 

E las beutatz qu'en vos so,

E 'l bel sen e 'l plazen no, 

E 'l ricx guays captenemens,

Ben sabria 'l meyns sabens

Quals etz, per qu' ieu no us vuelh ges lauzar tan,

Cum mostra vers, ni cum ai en talan.

Neys no m' auzi cossirar

Que ja us prec, ni vos aus dir

Si cum faitz jauzen morir,

Ni no m vuelh dezesperar;

Qu'en la vostr' entencio

Suy ricx, pueys ai sospeysso

Qu' Amors, qu' els ricx autz cors vens,

Mi puesca, aitan leumens,

De vos donar so que ieu li deman,

Fin gaug entier, qu' als no 'lh vau demandan.

Belha dona, ges no m par

Qu 'om deya may obezir

Autra del mon ni servir,

En dreg d' amor, ni honrar;

Et a ben plazent razo

Selh qu' es en vostra preizo,

Qu'el vostr' humils, francs parvens

Fai dels cors mortz vius jauzens;

E 'l mal que m datz son ben, e pro li dan,

E l' ira joys, e repaus li afan.

Na Salvatga, mout m' es gens

Vostre ricx captenemens,

Qu'el dig e 'l fag son gay e benestan,

E 'l vostre cors d' aquelh mezeys semblan.

// Index

Giraud le Roux - be m ten en son poders Amors

Rambaud Orange - Assatz sai d amor ben parlar

Pierre Rogiers. Ges non puesc en bon vers falhir

Bernard de Ventadour. Estat ai cum hom esperdutz

Pierre Raimond de Toulouse. Us novels pessamens m' estai

Bertrand de Born. Be m platz quar treva ni fis

Folquet de Marseille. Los mals d' amor ai ieu ben totz apres,

Guillaume Adhemar. Guillems Adhemars. Ben fora oimais sazos e locs

Arnaud de Marueil. La grans beutatz e 'l fis ensenhamens

Bérenger de Palasol. Aital dona, cum ieu sai,

Cadenet. Oimais m' auretz avinen

Rambaud de Vaqueiras. Ja non cugei vezer

Gaucelm Faidit. Moutas sazos es hom plus volontos

Giraud de Borneil. Aquest terminis clars e gens,

Hugues Brunet. Cuendas razos, novelhas e plazens

Pierre Vidal. Mas nos partim dels Catalas,

Hugues de Saint-Cyr. Un sirventes vuelh far en aquest son d' En Gui

Elias de Barjols. Bon' aventura don Dieus

Raimond de Miraval. Selh que no vol auzir chansos

Marcabrus. Pois l' iverns d' ogan es anatz

Deudes de Prades. Trop ben m' estera, si s tolgues

Aimeri de Péguilain. De fin' amor comenson mas cansos

Elias Cairels. Estat ai dos ans Qu' ieu no fi vers ni chanso

Pierre Cardinal. D'un sirventes faire no m tuelh;

Sordel qui-be-s-membra-del-segle-qu-es-passatz

Boniface Calvo enquer-cab-sai-chanz-solatz

Lanfranc Cigala. Ges eu non sai com hom guidar se deia

Serveri de Gironne - Cerverí de Girona

Guillaume Anelier de Toulouse. Ara farai, sitot no m platz

Guillaume Figueira. Del preveire maior

Guillaume de la Tour - qui sap sufrent esperar

Folquet de Romans - Far vuelh un nou sirventes

Albertet de Gap, ou Albert de Sisteron

Raimond Bistors d' Arles. Aissi col fortz castels, ben establitz,

Amanieu des Escas. A vos, que ieu am desamatz,

Dante de Maiano. Las! so qe m' es el cor plus fis e qars

Tenson d' Albert et de Pierre

Tenson de Pistoleta et d'une Dame

Tenson de Lanfranc Cigala et de la Dame Guillelma de Rosers

Tenson de Guillaume Rainols et de Guillaume Magret

Codelet

Vai Hugonet ses bistensa al franc rey aragones

Descort anonyme. Ab son gai plan e car,

Breviari d' Amor, 1288, Matfres Ermengaus de Bezers, Matfre Ermengaud de Beziers

Aysso es le libre de Senequa

La vie de sainte Énimie - Enimia

Les quatre vertus cardinales - Deudes de Prades

Vie de Saint Trophime, Sant Tropheme

Vie de Saint Honorat

Vie de Saint Alexis

Évangile de Nicodème

Évangile enfance - el nom de dieu vuelh comensar

Gui Folqueys. Aquestz gautz dechet mo senh'en. Les sept joies de Notre Dame.

Gui Folqueys.

Les sept joies de Notre Dame.

Aquestz gautz dechet mo senh'en Gui Folqueys, e donet cen jorns de perdon, qui los dira, can fon apostolis.

Escrig trop, et aisi es vers,

que de Dieu ven totz bos sabers,

e no val tan argen ni aurs

co sabers, qu'es us rics thezaurs,

ab que gen sia despendutz;

car qui pro n'a e n'esta mutz

no s pot esdir de cobezeza;

e sel que l despen en vaneza

non es larcx, ans es degalhiers:

per que s tanh c'om lo men estiers.

E car hom l'a e l ten de Dieu,

dretz es c'om li'n serva so fieu,

e que despenda son saber

en luy amar, en luy temer,

en lui lauzar, en lui servir,

en lui onrar et obezir.

Et yeu, si tot m'en ai petit,

sai que del pauc l'ai mal servit;

e no m'es lunhs razonamens,

car cascus del mais o del mens

li deu servir segon que n'a;

et es forfaitz qui non o fa.

Mais el qu'es totz ples de merce,

li plai, qui sas falhas reve.

Per qu'ieu en so que mot li play,

mon cor e mon sen pleyarai,

so es en sa maire lauzar.

E lauzan volrai la preguar

per me; e qui o legira,

si s vol, per si preguar poira.

A te, verge sancta Maria,

me ren e m coman nueg e dia,

e prec te que pregues per me,

car mos precx no val re ses te.

Tan m'an lunhat li miey peccat

de ton filh que ai mescabat

parlan, pessan e cossenten,

e tan son gran miey falhimen

qu'ieu non cug atrobar perdo,

si tu non prendes ma razo.

Razo ai dig. Donc es razos

que de lui me vengua perdos?

Oc, razos, car el a promes

que ja no falha sa merces

a sels que querre la volran,

ja tan forfaitz non li seran.

Et enaisi o preziquet

et en escrig nos o laisset,

e det nos en senhal certan,

can perdonet al publican.

E si fetz a la Magdalena,

c'adoncx era de peccat plena,

et al layro, que merce l quis,

promes e donet paradis;

et a sant Peyre perdonet

si tot tres vetz lo reneguet.

Tot aiso sai et ai legit.

Et enqueras ay may auzit

que sant Paul volc tirar a se,

si tot no l fazia per que.

Be sai donc qu'el deu perdonar,

qui l sap ni l vol merce clamar,

e par qu'en sia pus tengutz,

depus qu'en ton cors fon vengutz,

qu'enans era nostres creaires; 

d'aqui enant fon nostres fraires.

E si nosens nos fa falhir,

deu nos o pus leumen partir.

Pero car a tu tanh trop pus

el qu'es tos filhs, so sab cascus,

e mos entendemens sertas,

qu'ieu aia perdo per tas mas.

Dir de non a te non pot ges,

car si tot s'es Dieus, tos filhs es.

E cel que mandet mair' onrar,

ges en te non o pot bercar. 

E pus lunh' autra tan no val

ni aguist anc par ni engal,

aisi, dona, com vales may,

magers poders cre que t'eschay. 

Jes ieu no m vuelh de tan gabar,

qu'ieu saupes tas lauzors comtar,

ni per temensa de pauc dir

no m vuelh ni m deg del tot giquir.

Al mielhs donc que dir o sabrai,

de te lauzar m'entremetrai.

Legit ai qui fo Moyzes,

e plac a Dieu que li mostres

un boisso de foc escompres, (romiguera de foc que no se cremabe)

pero no s'en gastava res.

Encar ai may apres ligen, (encara hay mes adeprés lligín)

con lo fraire de Moyzen

ac una vergua c'om pauzet

ab d'autras on Dieus li mandet,

e de la verga viron tug

que portet flor e fuelh' e frug;

so vi lo pobol d'Israhel. 

Pueis volc Dieus ad Ezechiel

autra meravilha mostrar,

per nostra fe mielhs cofermar.

Le sans hom comta que vezia

una porta que no s'obria,

e dis li Dieus: "Clauza sera

tos temps, que hom no i intrara,

mai solamen le rey dels reis

que la retenc a si mezeys."

En tres cauzas que dichas ay,

s'enten aisi com yeu dirai,

co fust maire de Jesu Crist

e tostemps verge remazist.

Aisi co l boissos no fon ars,

si tot le foc y fo espars,

per ver fon ta vergenetatz

salva, can Dieus y fon intratz.

Aisi co la verga flori

ses tot' humor que non senti,

aguist tu frug que ses semensa

d'ome venc a vera naissensa.

E la porta, que l sans hom vi, (Ezequiel)

que a lunh home no s'obri,

mas al gran Senhor solamen,

yest tu, dona, certanamen.

Maire fust e verges ades,

adonc et enans et apres,

e ja degus non an doptan,

co verges poc aver efan.

Car qui sap lo poder del filh

ja del naisser no s meravilh.

Ben pot naisser de verge pura

cel c'a poder sobre natura.

Et aisi co vezem del rai

que d'otra per lo veire vai, (que traspasse lo vidre)

ses tot dan al veire tener,

aisi fo del tieu filh per ver,

qu'intret en te per sa vertut,

que anc re no y ac corumput; (corromput)

e per vertut tot atressi

ses ren corumpre si n'isi, (sense res corrompre sen va eixí)

et es fals e fora de fe

qui fermamen aiso no cre.

LVIII, Qui m disses, non a dos ans,

LVIII.

Qui m disses, non a dos ans,

Qu' el laus me fos desgrazitz

Del rey 'N Anfos, de pretz guitz,

Mot me fora greus afans;

Qu' er es tant vil tengut sai

E blasmatz, que sol parlar

Non aus de luy ad honor,

Don ai al cor tal dolor

Qu' ab pauc chant no 'n desampar.

A moutz homes l' aug blasmar

Que li foran valedor,

Si guerra l' agues sabor

Tant com a cor de donar:

Mas ieu las! suy en esmai,

Com me sol lauzar mos chans,

Per elh que m' er abelhitz

Tant qu' ieu serai sebelhitz,

Ans que dreg alhors los lans.

Mala veyra sos efans,

Si 'l pus de la gent ver ditz, 

Que vius n' er despostaditz; 

E dieus don me mort enans, 

Quar ja gran joy non aurai 

Tro per ver auia comtar

Que 'l sieu enemic maior

Aian ab luy tal amor

Que d' elhs no 'l calha gardar.

Ab dreg a volgut renhar

Et ab pretz et ab valor,

Creyssen de terr' ab lauzor,

Lo reys N Anfos que dieus gar;

Et aras deu mielhs e mai

Voler dreg e patz dos tans,

Sol que non si' escarnitz;

Per que de dieu si' aizitz,

E sos pretz no s desenans.

Mos ditz sera pro bastans

Sol que per luy si' auzitz,

Qu' ieu parti totz esferzitz;

E si m' enten, non l' er dans;

Pero aitan li dirai

Que reys deu amicx amar,

Mas de l' als dir ai temor,

E 'lh chauzisca son melhor

Per son dreg dever a far.

Jamais no m' esforsarai

D' el rey castellan lauzar,

Ni d' autre, si en error

Ven son pretz, qu' a deshonor

Me pogues ab dan tornar.

No suy astrucx de senhor

Que m vuelha de cor amar.

Giraud Riquier.

Blacassetz. Si m fai amors ab fizel cor amar

Blacassetz.

Florissait en 1230. ibid.

7225, 7614.

En Blacassetz fo fils d'en Blancatz, que fon meillor gentil hom de Proensa, el plus onratz baros, el plus adreitz, el plus larcs, el plus cortes, el plus gracios. Et el fon ben adreichamen sos fils en totas valors, et en totas bontatz, et en totas larguesas. E fon grant amador; et entendia se de trobar e fon bon trobador, e fes mantas bonas cansos.

// Raynouard //

Si m fai amors ab fizel cor amar

Que mil tans vuelh ses autre jauzimen

Esperar vos ab deziros turmen,

Bona dompna, cui ab fin cor tenc car,

Que d' autr' aver so qu' ieu de vos volria;

E plus no us quier mas que us plassa qu' ieu sia

Vostres, e si trop quier no m sia dans,

Si m forsa en re mo sen sobretalans.

Gentils dompna plazens, no us aus lauzar,

Ni faissonar vostra beutat plazen

Ni l' honrat, car, gentil captenemen

Ni 'l pretz que us te d' autra valor ses par;

Quar, s' ieu lauzan vostre gent cors, dizia

So qu' ieu per ver faissonar en poiria,

Sabrion tug de cui sui fis amans;

Per qu' ieu en sui de vos lauzar duptans.

S' aissi us auzes, dompna, merce clamar

Cum vos dezir ab car voler temen,

Ieu fora ricx; mas ar languisc viven,

Quar sol no m' aus quo us o diga pensar;

Mas si merces, que orguelh humilia,

Vostre gent cors, que m destrenh, destrenhia

Sivals d' aitan que us plagues mos enans,

For' ieu de joy als plus jauzens sobrans.

Ab tal voler fetz amors autreyar

Mon cor a vos cui dezir caramen

Que m fosson tug vostre plazer plazen,

Per qu' ieu volrai tos temps aitals estar;

Quar tan tenc car la vostra senhoria

Que, s' autra m des so qu' a vos non querria,

No s pogra en re cambiar mos talans,

Tant es mos cors d' onrat joy dezirans!

Tos temps vuelh mais doussamen merceyar 

Ab humil cor tot vostre mandamen

Que d' autr' aver ab joy nulh jauzimen

Que nuls hom aus voler ni dezirar;

E ja de vos joys plazens datz no m sia,

Bona dompna, s' ieu d' autra lo prendia;

E s' aman muer, domna, sui merceyans,

Qu' en la mort prenc honor, sitot m' es dans.

Dona, si us platz que fin' amors m' aucia

Vos deziran, ja no us cugetz que m sia

Enuegz en re; ans, si us es plazers grans,

Serai tos temps de ma mort dezirans.

Blacasset.

Blacasset.

Si m fai amors ab fizel cor amar

Que mil tans vuelh ses autre jauzimen

Esperar vos ab deziros turmen,

Bona dompna, cui ab fin cor tenc car,

Que d' autr' aver so qu' ieu de vos volria;

E plus no us quier mas que us plassa qu' ieu sia

Vostres, e si trop quier no m sia dans,

Si m forsa en re mo sen sobretalans.

Gentils dompna plazens, no us aus lauzar,

Ni faissonar vostra beutat plazen

Ni l' honrat, car, gentil captenemen

Ni 'l pretz que us te d' autra valor ses par;

Quar, s' ieu lauzan vostre gent cors, dizia

So qu' ieu per ver faissonar en poiria,

Sabrion tug de cui sui fis amans;

Per qu' ieu en sui de vos lauzar duptans.

S' aissi us auzes, dompna, merce clamar

Cum vos dezir ab car voler temen,

Ieu fora ricx; mas ar languisc viven,

Quar sol no m' aus quo us o diga pensar;

Mas si merces, que orguelh humilia,

Vostre gent cors, que m destrenh, destrenhia

Sivals d' aitan que us plagues mos enans,

For' ieu de joy als plus jauzens sobrans.

Ab tal voler fetz amors autreyar

Mon cor a vos cui dezir caramen

Que m fosson tug vostre plazer plazen,

Per qu' ieu volrai tos temps aitals estar;

Quar tan tenc car la vostra senhoria

Que, s' autra m des so qu' a vos non querria,

No s pogra en re cambiar mos talans,

Tant es mos cors d' onrat joy dezirans!

Tos temps vuelh mais doussamen merceyar 

Ab humil cor tot vostre mandamen

Que d' autr' aver ab joy nulh jauzimen

Que nuls hom aus voler ni dezirar;

E ja de vos joys plazens datz no m sia,

Bona dompna, s' ieu d' autra lo prendia;

E s' aman muer, domna, sui merceyans,

Qu' en la mort prenc honor, sitot m' es dans.

Dona, si us platz que fin' amors m' aucia

Vos deziran, ja no us cugetz que m sia

Enuegz en re; ans, si us es plazers grans,

Serai tos temps de ma mort dezirans.

Aubert, Audebert, Jausbert, Josbert, Gausbert, moine, lo monge de Puicibot, Poicibot, Puycibot, Pueicibòt

Aubert, moine de Puicibot.

Be s cuget venjar amors

Quan se parti soptamen

De mi, quar son falhimen

Li blasmava e 'l reprendia;

Pero si m fetz tan d' onor,

Quar plus far no m' en podia,

Que non sent mal ni dolor,

Ni no m planc, si cum solia,

Pueys n' ay mais de jauzimen;

Qu' el sen e l' entendemen

Que m tolc amors al venir

Ai tot cobrat al partir.

Qu' aissi m' entrepres folhors,

Et amors falset mon sen

Tan qu' una desconoyssen

Amiey, per so quar crezia

Qu' ilh agues de beutat flor,

E de pretz la senhoria;

Mas ar suy ses bailidor,

E sai segre dreita via;

Doncs conosc al sieu non sen

Que lieys amar no m' es gen;

Qu' en dona deu hom chauzir

Que s fass' ab bos fagz grazir.

Pero 'l cor no m' er alhors

Tan cum l' amiey finamen,

Mas cum mostres a la gen

Ab mos lauzars qu' ie 'lh valia,

Quar non cuiava 'l folhor

Que totz lo mons y sabia,

Ans grazia la valor

E lo pretz qu' ilh non avia;

Doncx pus ilh eyssa m desmen

Dels bes qu' ieu n' ai digz soven,

Non ai peccat del mentir,

Quar ieu cuiava ver dir.

Quar dels corals amadors

Non dey nulhs creyr' a nulh sen

De seliey en cui s' enten

Que falhis, sitot falhia;

E pren l' anta per honor,

E per sen pren la folia;

Per qu' ieu ab digz de lauzor

Lauziei lieys que no m valia,

Tan cum l' amiey coralmen;

E s' anc falhi en menten,

Era 'n dic ver ses falhir

Pel messonja penedir.

Qu' om no s salva ni no s sors

Del peccat que fai quan men

Estiers mas en ver dizen,

Per qu' ieu quar antan dizia,

Cum fis amans per error,

Lauzor de lieys, que tot dia

Ponhava en sa deshonor,

En luec de so quar mentia

Dir ver qu' ilh no val nien;

E sai q' un pauc y mespren,

Mas per la colpa delir

Dey la vertat descobrir.

Dona, s' ieu vos dic folia,

E vos la faitz eissamen,

Aissi deschairetz breumen,

Qu' amduy ponham al delir,

Vos ab far et ieu ab dir.

//

https://it.wikipedia.org/wiki/Jausbert_de_Puycibot

Jausbert de Puycibot o Gausbert de Poicibot o Puicibot e altre numerose varianti, talvolta chiamato Lo Monge de Poicibot (il monaco di Poicibot) e altrove Audebert o Josbert, in latino Gaubertus de Podio Ciboti (... – ...; fl. 1220-1231) è stato un cavaliere, religioso e trovatore limosino, originario probabilmente del Périgord o del Limosino e attivo all'inizio del XIII secolo.

Dei suoi componimenti ne sopravvivono quindici (quattordici dei quali sono cansos), in massima parte convenzionali, tranne qualcuno dotato di una "certa sensibilità".

La poesia S'eu vos voill tan gen lauzar è stata attribuita a lui, sebbene siano sorti dubbi a causa della sua apparizione in una collezione di poesie del Monge de Montaudo. Egli probabilmente scrisse un sirventes che, insieme a un altro di Bertran de Preissac, forma una tenzone in cui i due trovatori discutono sui pregi delle donne giovani e vecchie. Jausbert sostiene las joves (le giovani), mentre Bertran las vielhas (le anziane).

Era quan l'ivernz nos laissa

E par la fuoilla en la vaissa

   E il lauzellet chanton c'uns no s'en laissa,

Fas sirventes ses biaissa,

Mas uns malastrucs m'afaissa,

    Car ab joves no.s te: Dieus li don aissa!

Mais pretz una vieilla saissa

Que non a ni carn ni craissa.

   Mal ai' er el os e daval la madaissa!

  Que la genta, covinenta, on bos pretz s'eslaissa,

Fina, francha, frescha, blancha, don jois no.s biaissa,

Mais la vuoill, si gen m'acuoill ni josta se m'acaissa,

Que la rota, que.m des tota Limoges e Aissa.

    .  .  .  .  .  .  .  .  .

  En Bertranz men com afacha...

    E volria n'agues la testa fracha!

Pois parlar l'aug del manjar ni de bon' osta.l tracha,

Al jazer compra.l ben ser, tot lo porc e la vacha,

Quar s'embarga en la pel larga, que es molla e fracha.

Semblanz es, quant hom l'ades, qu'anc no.n trais sa

 garnacha.

    .  .  .  .  .  .  .  .  .

E tenc m'a gran desmesura

Que, pois domna desfegura,

    Quar ja i fai muzel ni armadura.

Mas prezes de si tal cura

Per que l'arm' estes segura,

    Que.l cors desvai a totz jorns e pejura.

  Eu lor dic aquest prezic per gran bonaventura.

  En Bertran vei a lor dan, e par que, per fraichura,

  Cad' aver las! i esper e soffre et abdura.

Secondo uno dei racconti contenuti nei Flores novellarum di Francesco da Barberino, Jausbert s'imbatte nella sua trascurata moglie mentre sta visitando un bordello.

I lavori di Jausbert furono per la prima volta curati e pubblicati da William P. Shepard sotto il titolo Les Poésies de Jausbert de Puycibot (Paris, 1924).

Componimenti

Cansos

Amors, s'a vos plagues

Be⋅s cujet venjar Amors

Car no m'abellis solatz

Merces es e chauzimens

Hueimais de vos non aten

Partitz de joi e d'amor

Per amor del belh temps suau

Pres soi et en greu pantais

S'ieu vos voill tan gent lauzar

S'ieu anc jorn dis clamans

Si res valgues en amor

Una grans amors corals

Uns joys sobriers mi somo

Era quan l'ivernz nos laissa

Sirventes

Gasc, pecs, laitz joglars e fers

Tenso

Jausbert, razon ai adrecha (con Bertran de Preissac)

Componimenti contesi ad altri trovatori:

Aissi com cel qu'a estat ses seignor (canso del Monge de Montaudon)

Amars, onrars e carteners (canso di Guiraut de Bornelh)

Bel m'es oimais qu'eu retraja (canso di Guillem de Saint Didier)

Car fui de dura acoindansa (canso di Aimeric de Peguilhan)

Fin' amors a cuy me suy datz (canso di Folchetto di Marsiglia)

Non pot esser sofert ni atendut (canso di Guillem Ademar)

• (EN) Adams, Edward L. Review of Les Poésies de Jausbert de Puycibot by William P. Shepard in Modern Language Notes, Vol. 41, No. 3. (Mar., 1926), pp. 197–200.
• (EN) Chambers, Frank M. "On the Attribution of a Provençal Poem." Modern Language Notes, Vol. 62, No. 5. (May, 1947), pp. 320–322.
• (EN) Jenkins, T. Atkinson. "On Newness in the Novel." PMLA, Vol. 41, Appendix. (1926), pp. xliii-lix.
• (EN) Shepard, William P. "A Provençal Débat on Youth and Age in Women." Modern Philology, Vol. 29, No. 2. (Nov., 1931), pp. 149–161.

60. Anonimo Veneto. Arnaut de Mernoil ieu suy clamantz

60. Anonimo Veneto.

Leandreide, lib. IV, c. VIII, secondo la edizione del Teza (Memorie dell' Istituto veneto di scienze, lettere ed arti, VI, 464).

Codice veneziano.

Arnaut de Mernoil ieu suy clamantz

Quen totes mas chanzon ses jauzinen

Ri chan e plor e sper desesperantz

Dir mon voles non aus ne mon calen

Vas Amors e mamie ne pel timors 

Non las ges queu non die mon passamen 

En yoy en gaug en ris tray ma dolors 

Der en avan diray de ma compania 

Che say qel chier e vol tarme e con chors. 

Qest er celuy qi se reclam de spaina 

De Marseila Folqet qe se ranchura 

E pel affan d'amors se plora e laina

Qests dos ciaschun dela son forfaitura 

Pentut qen contra Amors fos mal parlanz 

Reqier perdons humilz e cum drechura

Lus guindisel lautres qe merceranz 

Promet amor leyals e blau lauzar

Gauzbert de Pomipot honoranz

Lomtan amors fes pos qel autre amar 

Che fu clamatz per tout Yaufre Rudel 

Mas lautre er nom Guillermen Azemar.

Seg vien Guilerm de Biarz Arnaut Daniel 

Fonsalada che qant roy aragon

Giraudon lo ros e lias cairel

Li malz damors totz lauza perdigon

Qel ben li fays meis dous e meys grazir 

Cant son servatge doña gazardon.

Se podez hom Raenbaut daurenga auzir

Qant qante la cotessa mon rosier

Trobaria mont donzor ben aug er dir.

Al siens Bertram Gulierm de saynt desdier

Alla file dels conte Raymon pros 

Ditz aman joncas car mercie les qier. 

Candenot vas Amor tug cossiros

Prova qesent ne Bran non puot defendre

Hom contrefforz damor trop valoros.

Nuc de saint sir fapt son canzon entendre

Codice trivigiano.

… Merueil ... sui clamatz

Quem totems … chancon Sesiau imem

… de se sperantz

… voles … talem

Vas amoros emanne...

… quem non ...

Enion en gang … trai

... dirai … compagnia

Qe sal qel chier o vol trame e chon chors 

... zelui … rechlam dispania 

De Marsilia ...

E pel afan da mors sepulura echlania

Quests dos caschun nela son frosutura

Pentuet cheu chontra … parlamz

… e cho drechura

Lus qui desel … che merceanz

... lials e blan laucar

Gauzbet de pomipot honoranz

Louitam ... fez … qe lautre

clamantz per totz ianfre chrudel

... er non giuler nien acemar

… guielrin de ba biarz … 

… chant roi ...

… elias chairel

… lanca ...

... fais … gracier

Chant sont servatgie dona gazardonz

Se potes ... rechubant da urenga aucir

… chontesa mon ronsier

… donclor …

…

Alla file ... chon raimond

Duz aman ionchas char mergie lesquier. 

Quande not vas amar tug chosiros

Proa qe sent ...

... on constres forz ...

... fait sont chancon intendre

Alla valen contessa de Proenza

Da part sanne chui non sausa deffendre. 

Aymerich de Bellenuey temanza

A de petit amar qant ama fort 

E pauc le sembla sa gran capitanza. 

Bernart da Ventardorn eus de con nort

Fis amadorz qel dist qe povre e riche 

Amors fayt dun paratge senes tort.

Gaucelm Faidit chamors chan be 

Le reis valenz Richart reys delz engles

Ploranz mielz chanta qe yamais al re. 

Raenbaut de Vacheras fis et chortes

Sap mautas vez tornar folz e saput

Per zo ch jngen damor mielz li valgues.

Pos fest della fondatz Aporcebut

De sa dona Aymeric de pegulan

Doventa son nimis cum fo son eschut.

En neus engels Guillerm de Berguedan 

Per yoy qer as nafratz douza mezina

Non se plueya in freg in vent gelan.

Que fort perongut dalla moroutza spina

Er qe non tug guerir ma vegis miraval

Mas cum faut laur en fuec amssi saffina

Guillerm de montagnegol, per vidal

Monge de Montandon pons de Capducol

Richaut de Berbecil ciaschun trop val

Nuc els Brunet peroul Giraud borneil

Maria deventadorn Raymon yordan

Nalbertet paubertin de Bonareil.

Guillierm dandusa folqet da roman

Pere de Bonifaci pier rogier

Peire raymon gentils tolosan

Raymon vidal Nazimar lo negrier

Guillierm magret peyre da pomarol

Daude da prodas Giraut de Calmonyer

Mas als le ne son qe dir aras non vol

Ma lenga qe sont chaut gens de bonaire

Non ay auzitz qant be sonar oc suol

Ne ges tenoreres lourz donz cantayre

Se apres aves la proensal faveyla

Che deynna te pairia ses autre paire

Delano e de pres cal flors en fucilla.

Ala … chontesa de prouence

...

A imerih de belen vei temanca

… quand ...

E pave ... chapitanca

Bernar da ventador eus da chon hort

... amadors … pavre

fait duz … sens tort.

L'anzelin fait dit qu amor quambe

... valen … Richard reis dele angles

Ploraz mechz … ia mais al re

Raenbalt ... vaqeras … e chortes

… rienz tornar … a saput

… que gen … midz 

… apceput

Di se dona ai maric ...

Deventan son nemis chon so san eschut

… an egles guilem …

… afratz … donca metzina

… ni vent gelanz

Oe for perogant … morouca sinc

... guerier man ...

Maschon … amsi

Gucelm de Montaneqol

… Capducil

. Berbeciol cascun trop val

Nuc els brunce ...

... Raimond jordanz

Nal bertet paubertin de bon arciel.

Gulierm ...

… rocier ...

... raimond gientils toloxan

… Nacimar lo negrier

Guielm magret … pamorol 

Dande de paradas ... Chalmonier

… che dor aras non vol

… che sont chant ziens

… chanc … ce suol.

… tenoreres laurz donz chantare

Se apres … faveila

…

Lezione proposta dal Teza.

Arnautz de Maruelh ieu sui clamatz 

Qu'en totas mas chanzos ses jauzimen

Ri chan e plor e sper desesperatz. 

Dir mon dol us non aus ne mon talen 

Vas Amor e m'amia: ne pel temor

Non lais ges qu'eu non die mon pessamen. 

En joi en gauz en ris trai ma dolor; 

D'or en avan dirai de ma companha

Que sai que 'l quer... 

Cest es celui qui se reclam de Spanha De Marsella Fosquetz qui se rancura 

E per l'afan d'amor se plora e lanha.

Cests dos, cascus de la soa forfaitura Pentutz qu'encontra Amor fos mal parlanz Requier perdon humils et ab drechura. L'us Gui d'Uissel, l'autre que merceianz Promet amor leial e blan lauzar Gauzbertz de Pugcibot es honoranz. Loindans Amors fes aquel autre amar Que fo clamatz per tout Jaufres Rudels Mas l'autre se nom Guillems en Azemar. Seguen Guillems de Briars, Arnautz Daniels, Fonsalada, qui cant rei d'Aragon, E Giraudos lo ros, Elias Cairels. 

Li mals d'amor totz lauza Perdigon Qu'el ben li fai mais dous e mais grazir Quant son servatge domna Gazardon. Se podes hom Raimbaut d'Aurenga auzir Quant cante la contesa Mon-Rosier Trobaria mout doussor ben aug er dir ...

Cadenetz vas amor totz cossiros Prova qu'escutz ne brans no pot deffendre Contra forzas d'amor trop valoros. N Ucs de saint Cyr fai sa chanzon entendre

(N. E. Cortada una parte de la derecha; pongo *)

A la valen contessa de Proenza, Da par sa amia, que non *s'ausa deffendre. Aimerics de Belenoi temensa A de petit amar quant ama fort E pauc li *sembla sa gran captenensa. Bernartz de Ventador e us de conort, Fis amadors, qu el dist que *povre e riche Amors fai d'un paratge senes tort. Gaucelms Faiditz qu Amor ne chan tan *ben Lo reis valenz Richartz, reis dels engles Ploran mielhs chanta que ja mais al re. *Raimbautz de Vaqueira fis e cortes Sap mantas vetz tornar fols e saputz Per ço qu engen *d'amor mielhs li valgues. Pos s'est de la foudat apercebutz De sa domna, Aimerics de Pegulhan * Deventa son nemis cum fo so escutz ...

Que fort ponhutz da l'amorosa espina ... Mas cum fai l'aurs en fuec aissi s'affina. Guillems Montanhagol, Peire Vidal, Monges *de Montaudo, Pons de Capduelh, Richartz de Berbezilh, cascus trop val. N' Ucs Brunetz, *Peyrols, Guirautz Bronelh, Maria de Ventador, Raimons Jordan, N Albertetz, Lambertis de Buvarelh Guillems d'Andusa, Folquetz da Roman Peire de Bonifaci, Peir' Rotgier, *Peire Raimonds, gentils tolosan, Raimons Vidals e 'N Azimars lo ner, Guillems Magretz, Peire * Pomarol, Deudes de Pradas, Guirautz de Cabrier (?) (Cabriera, Cabrera). Mas als ne son que dir aras non vol * Ma lengua ... Non ai aurit (auzitz) quant be sonar oc suol ...