Dante da Maiano. Las, so que m'es al cor plus fins e cars,

Dante da Maiano.

(No confundir con Dante Alighieri.)

Las, so que m'es al cor plus fins e cars,

ades vai de mi parten e loignan,

e la pena e l trabail ai tot, ses pars,

on mantas vetz n'ai greu languir ploran.

Que l fis amors mi ten el cor uns dars,

on eu cre que l partirs non es ses dan,

tro qu'a mi dons, ab los sieus gens parlars,

prenda merse del mal qu'eu trag tan gran.

Leu fora si m volgues mi dons garir

de la dolor qu'ai al cor tan soven,

quar en lei es ma vida e mon morir.

Merse l'enquer, a ma domna valen,

que per merse deia mos precs coillir

e perdon fassa al mieu gran ardimen.