Serv, Ser - Sobreservir

Serv, Ser, s. m., lat. servus, serf, esclave.

S' anc fos francs, ar es sers ses doptansa.

P. Vidal: Lanza marques.

Si oncques il fut franc, maintenant il est serf sans doute.

Sia sers o sia livres. Trad. de Bède, fol. 74.

Soit serf ou soit libre.

Si us servs d' autrui plagara lo mieu serv.

Trad. du Code de Justinien, fol. 22.

Si un esclave d'autrui blessera le mien esclave.

L' autre ab avareza

Son ser de lur aver.

G. Riquier: Tant petit.

Les autres avec avarice sont esclaves de leur avoir.

Adjectiv. Si no 'l trazem fora de serva gen.

(chap. Si no lo traém fora de sierva gen.)

Guillaume de Saint-Didier: El temps quan.

Si nous ne le tirons pas hors de la serve gent. 

Fig. Ja 'l sieus verais monimens

Lonjamens non estaria

Sotz mal serva senhoria. 

P. Vidal: Si m laissava.

Désormais le sien vrai tombeau ne serait longuement sous méchante serve seigneurie.

ANC. FR. Virge pucele, Virge dame,...

Secor ton serf, secor ta serve.

Fabl. et cont. anc., t. IV, p. 135.

Que ce pompeux, illustre et glorieux servage,

Qu'on nomme Roiauté, d'un impropre langage,

Ne se deust appeller, le nommant proprement,

Qu'un onéreux honneur, qu'un serf commandement.

Bertaut, p. 107.

ANC. CAT. Servu. ESP. Siervo. PORT. IT. Servo. (chap. Siervo, siervos, sierva, sierves; esclau, esclaus, esclava, esclaves.)

2. Servil, adj., lat. servilis, servile.

Que no fassan negun' obra servil. V. et Vert., fol. 2.

(chap. Que no faiguen cap obra servil.)

Qu'ils ne fassent nulle oeuvre servile.

ANC. FR. Appendit pour sa pompe et mon servil hommage.

Ronsard, t. 1, p. 158.

Et de cher onguent oinet

Elle a mes piedz, comme le lieu plus vil

Qui est l'office entre tous plus servil.

Foucqué, Vie de J.-C., p. 208.

CAT. ESP. PORT. Servil. IT. Servile. (chap. Servil, servils.)

3. Servire, Serveire, Servidor, s. m., lat. servitor, serviteur.

Vos, don ieu suy servire.

Guillaume de Beziers: Erransa.

Vous, dont je suis serviteur.

Bona domna, plus no us deman,

Mas que m prendatz per servidor. 

B. de Ventadour: Non es.

Bonne dame, plus je ne vous demande, excepté que vous me preniez pour serviteur.

Als fraires malautz sia una mayzos assignada et 1 serveires.

(chap. Als flares dolens (malals) sigue una casa assignada y un servidó.)

Regla de S. Benezeg, fol. 48.

Qu'aux frères malades soit une maison assignée et un serviteur.

- Service.

Hom parliers qu' es d' avols servire.

Le Moine de Montaudon: Mot m' enueia.

Homme bavard qui est de mauvais service.

CAT. ESP. PORT. Servidor. IT. Servitore. (chap. Servidó, servidós, servidora, servidores.)

4. Servitut, s. f., lat. servitutem, servitude, esclavage.

En servitut son fort' e dura. V. de S. Honorat.

Ils sont en servitude forte et dure.

Fig. Fornicatios de l' arma, es servitut d' idolas. Trad. de Bède, fol. 41.

Fornication de l'âme, c'est esclavage d'idoles. 

- Service imposé à la propriété d'autrui. 

Aquest dreg que nos avem dig... et autre, que son assatz semblant d' aquest, appela hom servitut.

Aquesta servitut es appelada usufrug. Trad. du Code de Justinien, fol. 19.

(chap. Esta servitut es nomenada usufructo.)

Ce droit que nous avons dit... et autres, qui sont assez semblables à celui-ci, on appelle servitude.

Cette servitude est appelée usufruit.

Voyez Esperit.

CAT. Servitut. ANC. ESP. Servitud. IT. Servitù, servitute, servitude.

(chap. Servitut, servituts.)

5. Servimen, s. n., servitude, esclavage.

Joglar, grans es lo servimens

Qu' ieu us vey.

Guillaume d'Autpoul: L'autr'ier a.

Jongleur, grand est l'esclavage que je vous vois.

Servimens d' idolas.

Trad. de l'Épître de S. Paul aux Galates.

Servitude d'idoles.

ANC. IT. Servimento. (chap. Servimén, servimens; esclavitut, esclavituts.)

6. Servisi, Servizi, s. m., lat. servitium, service.

Non deuria esser hom temeros

De suffrir mort el servizi de Dieu,

Qu' el la suffri el servizi de nos.

Aimeri de Peguilain: Ara parra.

On ne devrait pas étre craintif de souffrir mort au service de Dieu, vu qu'il la souffrit au service de nous.

- Cérémonie religieuse.

Totz los autres devo esser a son servizi.

Deu far far lo servisi del mort.

Ord. pour Carcassonne. Ord. des R. de Fr., de 1411, t. IX, p. 608.

Tous les autres doivent être à son service.

Doit faire faire le service du mort.

- Droit de servitude.

Usufrug o servizis qu' a us hom en la causa de autre.

(chap. Usufructo o servissi que té un home a la cosa d'atre.) 

Trad. du Code de Justinien, fol. 19.

Usufruit ou service qu'a un homme en la chose d'autre. 

CAT. Servici. ESP. Servicio. PORT. Serviço. IT. Servizio. (chap. Servissi, servissis.)

7. Servit, s. m., service. 

No vuelh vostre servit ni 'l deman.

(chap. No vull vostre servissi ni 'l demano.)

T. de Blacas et de Guillaume de S. Gregori: Senher.

Je ne veux votre service ni le demande.

ANC. FR. De cens et servis annual et perpétual.

Joyeusetez et Facéties, p. 154.

8. Servessialh, Servicial, s. m., domestique, serviteur.

Donatz lor II servessialhs que lor porten tot so que lor sera mestier.

Philomena.

Donnez-leur deux serviteurs qui leur portent tout ce qui leur sera nécessaire.

A son home o a son garso o a son servicial. Leys d'amors, fol. 54.

A son homme ou à son valet ou à son domestique.

CAT. ESP. Servicial. PORT. Serviçal. IT. Servigiale. (chap. adj. Servissial, servissials : que done servissi, que servix an algú de bona gana.)

9. Servent, Serven, Sirvent, Sirven, s. m., serviteur, valet, servant, sergent.

Los pren om emblan ab los sirvens.

T. d'Albert de Sisteron et du Moine: Monges.

On les surprend volant avec les valets.

Avia sa filha esposada

A un servent de mala vida.

V. de S. Honorat.

Avait sa fille mariée à un servant de mauvaise vie.

M' aion ops tos temps arbalestier,

Metges, guaitas e sirvent et arquier.

Bertrand de Born: Ieu m' escondisc.

Que me soient toujours nécessaires arbalétriers, médecins, sentinelles et sergents et archers.

CAT. Servent, sirvent. ESP. Sirviente. PORT. IT. Servente. 

(chap. Sirvén, sirvens, sirventa, sirventes; sirvién, sirviens, sirvienta, sirvientes.)

10. Serventa, Sirventa, s. f., servante, domestique, esclave.

La serventa li respont. Trad. d'un Évang. apocr.

(chap. La serventa li respón : conteste.)

La servante lui répond.

Nos no em fil de la sirventa, mas de la franca.

Trad. de l'Épître de S. Paul aux Galates.

Nous ne sommes pas fils de l'esclave, mais de la libre.

Serventa de Dieu. Trad. d'un Évang. apocr. 

Servante de Dieu.

Fig. Confessio es la bona sirventa que purga be lo ostal. V. et Vert., fol. 68.

(chap. La confessió es la bona sirventa que purgue (llimpie) be l'hostal u hotel.) 

La confession est la bonne servante qui nettoie bien l'hôtel.

ANC. CAT. Serventa, sirventa. ESP. Sirvienta. (chap. Vore lo pun anterió.)

11. Serventia, s. f., service. 

Si en serventia d' ome poderos venes. Trad. de Bède, fol. 8.

Si en service d'homme puissant vous venez.

(chap. Serventía, serventíes.)

12. Sirventalha, s. f., servantaille, valetaille.

Gran dan nos fai sirventalha

Tan quan dura la batalha.

Leys d'amors, fol. 114.

Grand dommage nous fait la valetaille tant que dure la bataille.

13. Serviable, adj., usuel, dont on se sert.

Las habitutz e las prepozitios serviables. Leys d'amors, fol. 111.

Les articles et les prépositions usuelles.

CAT. ESP. Servible. (chap. Servible, servibles.)

- Subst. Servant.

Serviables chaitius. Trad. de Bède, fol. 4.

Servant malheureux.

14. Servir, Sirvir, v., lat. servire, servir.

El castelh on se fai servir.

Arnaud de Marueil: A guiza de.

Le château où elle se fait servir.

Li servidor

Que servon bon senhor.

Giraud de Calanson: El mon non.

Les serviteurs qui servent bon seigneur.

Coms de Tolza, mal guazardon aten

Selh que vos sier, d' on vey qu' es grans dolors.

Bertrand de Born: Un sirventes farai.

Comte de Toulouse, mauvaise récompense attend celui qui vous sert, d'où je vois qu'est grande douleur.

Es mensongiers e volvens,

E sirves los dessirvens.

Elias de Barjols: Amor.

Tu es menteur et changeant, et tu sers les desservants.

- Être soumis à une servitude.

Era digam d' aquela servitut, quant lo camps o la maios o autra causa servun (servon) a nos meseis. Trad. du Code de Justinien, fol. 19.

Maintenant parlons de cette servitude, quand le champ ou la maison ou autre chose servent à nous-mêmes.

- Être employé, avoir un usage.

Non saup demandar

De que servia

La lansa.

Richard de Barbezieux: Atressi cum.

Ne sut demander à quoi servait la lance.

Subst. Lo sen volgra de Salomon

E de Rotland lo bel servir.

Pistoleta: Ar agues.

Le sens je voudrais de Salomon et de Roland le beau servir.

Part. pas. Dieus er honratz e servitz

On Bafomet era grazitz.

Gavaudan le Vieux: Senhers per los.

Dieu sera honoré et servi où Mahomet était agréé.

Qui fai deslial obra,

Segon qu' a servit o cobra.

(chap. Qui fa desleal obra, segons com ha servit u cobre.)

P. Cardinal: Jhesum Crist.

Qui fait oeuvre déloyale, selon qu'il a servi le récupère.

Loc. fig. Molt es petitz,

Domna, lo tortz qu' ieu vos ai servitz.

Rambaud d'Orange: Braus chans.

Moult est petit, dame, le tort que je vous ai servi (causé).

ANC. FR. Por moi qui vous serf et deschauce

Noit et jor en lieu de vallet.

Fabl. et cont. anc., t. 1, p. 379.

Voyez Fieu.

CAT. ESP. PORT. Servir. IT. Servire. (chap. Serví : servixco o servixgo, servixes, servix, servim, serviu, servixen; servit, servits, servida, servides; serviré; serviría; si yo serviguera o servira.)

15. Desservir, Deservir, Dessirvir, Desirvir, v., desservir, manquer à son devoir, cesser de servir, offenser.

Per tals oferendas deservon Dieu. Trad. de Bède, fol. 69.

(chap. Per tals ofrendes ofenen a Deu; lo desservixen.)

Par telles offrandes ils offensent Dieu.

D' on deservisc leyal senher veray. 

G. Riquier: No puesc per.

D'où je cessai de servir loyal seigneur vrai.

Sirvens vol contr' el mon desservir.

Serveri de Girone: Del mon.

Servant veut envers le monde manquer à son devoir.

Part. prés. Veill que m tenga per desirven, 

S' ieu non fas son mandamen.

Blacas: Per merce el.

Je veux qu'elle me tienne pour manquant à mon devoir, si je ne remplis pas son ordre.

Qui 'l segle ser, a Dieu es dessirvens.

Pujols: Dieus es amors.

Qui le siècle sert, à Dieu est desservant.

Subst. Es messongiers e volvens,

E sirves los dessirvens.

Elias de Barjols: Amors.

Tu es menteur et changeant, et tu sers les desservants.

ESP. PORT. Deservir. IT. Disservire. (chap. Desserví; se conjugue com serví.)

- Mériter, gagner. 

Part. pas. Negus gazerdo non agra desservit, quar lo be non agra fah de sa voluntat. Liv. de Sydrac, fol. 44.

Nulle récompense il n'aura méritée, car le bien il n'aura pas fait par sa volonté. 

ANC. FR. La hart ait qui l'a deservie,

Qar je ne l'ai déservi mie.

Roman du Renart, t. 1, p. 297.

ANC. IT. Perocch' egli ha bene morte servita.

Cento Novelle antiche, nov. 60.

16. Deserviment, s. m., insubordination.

Per lo mal deserviment del poble es perduda... doctrina de predicatio.

Los guiardos dels deservimens.

Trad. de Bède, fol. 57 et 82.

Par la mauvaise insubordination du peuple est perdue... doctrine de prédication.

Les profits des insubordinations.

(chap. Desservimén, desservimens; insubordinassió, insubordinassions.)

17. Perservir, v., mériter.

Part. pas. Ay perservit la mort eternal.

So que auran perservit.

V. et Vert., fol. 67 et 6.

J'ai mérité la mort éternelle.

Ce qu'ils ont mérité.

18. Sobreservir, v., sur-servir, bien servir.

Subst. Sobreservir me tol mon joi verai.

G. Faidit: Ab nou cor.

Le bien servir m'enlève ma joie véritable.

Part. pas. Car tan l' ai sobreservida. 

Giraud de Calanson: Aras es.

Car je l'ai si bien servie.

Raimon de Miraval. Anc trobars clus ni braus + Si tot s'es ma domn' esquiva + Be m'agrada l bels temps d'estiu

Raimon de Miraval.

I. 

Anc trobars clus ni braus

non dec aver pretz ni laus,

pos fon faitz per vendre

contra ls sonetz suaus,

coindetz, aissi com eu ls paus,

e leus ad aprendre,

ab bels ditz clars e gen claus;

car per far entendre

non cal trop contendre.

Car tan prenon cabaus

domnas entre ls fis los faus,

fan amor deissendre;

mas no m tanh que las caus,

ni del tot en tot no m'aus

vas lor dan estendre.

Car cilh que m ten en repaus

mi fa ls tortz defendre

qu'a mains drutz vei prendre.

Tot quan mi dons vol volh,

et tot quan li platz acolh

en patz ses rancura;

pos alhors no m destolh

e josta leis me despolh

nutz ses vestidura,

aitan tenc de ric capdolh

que bon' aventura

no m pot far fraitura.

Pos tan l'am e la volh,

en trac peitz e plus m'en dolh,

car cilh no n pren cura.

E s'eu anc dis orgolh

vas domnas, aras m'en tolh

e torn a mezura.

E drutz qu'es d'aital escolh

conquier joi, e dura

si'n bon loc s'atura.

No sai per quals mestiers

amon domnas cavaliers.

S'amors me soana,

no m sai gabar estiers,

que meins en par vertadiers

qui totz sos bes vana.

Per qu'eu volh plus volontiers

dir cortez' ufana

que vertat vilana.

Los maiors lauzengiers

tenc vas mi dons plazentiers

e cil que ls apana.

E si l menres portiers

fos tan gais ni bobanciers

qu'auzes vestir grana,

plus fora rics sos dobliers,

qu'en tela rensana

jagr' en sa cabana. 

II. 

Si tot s'es ma domn' esquiva

ni m mostr' orgolh ni soan,

ges del seu servir no m las;

ans, car eu vas leis non pas,

li trametrai lai on es

chanso faita de merces;

car per solatz e per chan

creis amors e brot' e rama.

Dins el cor me nais la flama

qu'eis per la boc'en chantan,

don domnas e drutz abras.

E lh sonet son dous e bas,

coind' e leugier e cortes,

per que de grat son apres:

que tals amera tiran

que per mos bels ditz s'abriva.

Per la lengua recaliva

so don eu ai pres lo dan

tan, per pauc no n veng al vas

qu'als fals fenhedors escas.

Ensenh so qu'a lor es bes

quan mi degr' esser promes;

si feira, s'eu saubes, tan

com fai cel que re non ama.

Mas fin' amors m'enliama,

qu'en mi non a ponh d'engan,

ni falsetat non amas;

qu'ab tal domna sui remas,

qu'anc no falhi ni mespres

ni non amet dos ni tres;

per qu'eu autra non deman,

ni farai ja tan quan viva.

Mas car crezet gen badiva,

que de mi s'anes lonhan, -

que m'an levat en tal clas

qu'a pauc de joi no m'an ras, -

ma domna no saup que s fes

qu'anc soferc qu'om la m tolgues;

que tal perdera lauzan

que per autra no s reclama.

Mas lo deziriers m'aflama

e s vai cascun jorn doblan,

tan que m poia sobre l nas. -

Cala, fols, trop en diras. -

No farai, qu'anc no fo res.

Ma domn' e ma bona fes

m'en valgues e l tems d'antan,

que me fos d'alques aiziva.

S'a mon Audiart plagues,

tornar volgr' e mon paes

…

vas leis que tot las m'abriva.

Ben l'en deu penre merces,

qu'anc no lh fi que l desplagues

nulha re petit ni gran,

qu'ins e mon cor non escriva.

III. 

Be m'agrada l bels temps d'estiu

e dels auzels m'agrada l chans,

e lh folha m'agrad' e ls verjans,

e lh prat vert mi son agradiu;

e vos, domna, m'agradatz cent aitans,

et agrada m quan fatz vostres comans:

mas vos non platz que re m denhetz grazir,

mas agrada us car me mor de dezir.

Per un dezir, domna, reviu,

que m'es de totz dezirs plus grans,

qu'eu dezir que l rics benestans

vostre cors deziran m'aiziu,

que mos dezirs se dobles en baizans;

e pos tan be us dezir ses tots enjans,

ja no m laissetz al dezirier aucir,

que deziran deu hom d'amor jauzir.

Tot jauzir d'autr' amor esquiu,

mas de vos a jauzir m'enans,

qu'eu jau los bes e cel los dans

de vos que m faitz jauzen pensiu.

Tan sui jauzens de vos que nulhs afans

no m tol jauzir, que l vostre bels semblans

m'esjauzis tan que cel jorn que us remir

no posc estar ses gaug, vas on que m vir.

Mas alques an virat mon briu

lauzengier que viro ls amans

e viron las domnas prezans

e maint gai viron en caitiu.

E si us viratz, domna, per mal parlans,

vostre fis cors tem que s'en vir truans,

per que s viron plazer en escarnir,

e grans lauzors se vir' en gran maldir.

Mas eu dic que, si totz temps viu,

totz temps dirai vostres comans,

e si m dizetz: "Vai o non ans",

als vostres bels ditz m'umiliu.

Sol no m digatz que remanha l demans,

que totz mos ditz ne passari' enans,

que per nulh dig, domna, pogues partir

lo cor ni ls ditz ni ls faitz de vos servir.

Per servir en ric senhoriu

es bos servire benanans,

per que us volh servir totz mos ans,

et anc servidor meins antiu

non ac la bel' a cui servi Tristans,

ans vos farai de bels servizis tans,

tro mos servirs me fass' en grat venir

o vos digatz: "Mon servidor azir".

De grat dezir, domna, que us jauzis, ans

que s vir per ditz mos servirs en soans,

que servire, ditz hom, qu'a dreit se vir,

quand om no il vol sos deziriers grazir.

Leial, be m platz de mon Estiu l'enans,

mas de mi dons es la valors tan grans

que eu e tug li devem obezir,

per que no lh vol ges Miravals mentir.

XXIV, Qui vol aver complida amistansa

XXIV.

Qui vol aver complida amistansa

De Ihesu Crist, e qui 'l volra servire,

E qui volra lo sieu nom enantire,

E qui volra venjar la deshonransa

Qu' elh pres per nos, quan sus la crotz fo mes, 

Passe tost lai on elh fon trespassans,

E sia be de sa mort demandans

E de l' anta qu' el per nos autres pres.

Dieus pres, per nos salvar, greu malanansa,

Qu' en fon batutz e 'n suffri tal martire

Que sus la crotz en volc penden murire

Ab gran dolor, e y fo plagatz de lansa,

Per que 'l so fals trastotz, quan be m' o pes,

Aquelhs que so del passatge duptans;

Mielhs lai deuram quascus anar enans

Nutz o descaus qui estiers no pogues.

Mas trop d' omes son qu' eras fan semblansa

Que passaran, e ges non an dezire;

Don se sabran del passar escondire

Ganren d' aquelhs, e diran ses duptansa:

Ieu passera, si 'l soutz del rey agues;

L' autre diran: Ieu no suy benanans;

L' autre diran: S' ieu non agues efans,

Tost passera, que say no m tengra res.

Veus quals sera d' aquelhs lur escuzansa;

Mas, s' als no y fan, dieus lur sabra ben dire

Al jutjamen, segon lo mieu albire:

“Anc vos autres non demandetz venjansa

De la mia mort, per so siatz a mal mes.” 

Et als autres, qu' auran suffertz affans

Per la su' amor, dira: “Los mieus amans,

Venetz a mi, que tot m' avetz conques.” 

Aquels auran tos temps mais alegransa,

Mas los autres auran dol e cossire;

Doncx si ns volem nos altres far grazire

A Ihesu Crist que tot quant es enansa,

Passem non lay on elh fon per nos pres

Cominalmens trastotz ab bos talans?

Et en aissi serem li agradans;

Doncx passem lay, que temps e razos es.

Qui passara dieus qu' a fag tot quant es

Li secorra, e 'lh sia ajudans,

E 'lh do 'l regne don ieu suy esperans,

E li perdo, e 'lh valha en totas res.

Amicx Miquels, digatz m' el sirventes

A 'N Aymeric de Narbon' en chantans,

E digatz li que non sia duptans,

Que, si 'lh passa, pus tost n' er tot conques.

Raimond Gaucelm.

Résumé de la grammaire romane. Chapitre II. Substantifs.

Chapitre II. 

Substantifs. 

Ils étaient masculins ou féminins. 

L' article, la terminaison, les faisaient ordinairement reconnaître, et indiquaient le singulier ou le pluriel.

Comme on ne peut pas dire qu' il existe des CAS dans les langues dont les substantifs ne varient pas leurs désinences d' une manière qui désigne ces CAS, il m' a paru plus simple de les distinguer en Sujets et en Régimes, avec d' autant plus de raison que la langue romane possédait une forme caractéristique, spéciale pour les distinguer.

Au singulier, l' S final attaché à tous les substantifs masculins et à la plupart des substantifs féminins terminés autrement qu'en A, indiquait qu' ils étaient employés comme Sujets; et l' absence de l' S, qu' ils l' étaient comme Régimes directs ou indirects.

Au pluriel, les sujets ne recevaient pas l' S, qui, au contraire, s' attachait aux régimes directs et indirects.

Les noms féminins en A, sujets ou régimes, ne recevaient jamais au singulier l' S final, et l' admettaient toujours au pluriel.

Les substantifs qui originairement se terminaient en S, le conservaient soit au singulier soit au pluriel, comme Ops, besoin, Temps, temps, Vers, vers.

Concurremment avec cette règle il existait toutefois une forme particulière qui faisait distinguer au singulier le sujet et le régime de quelques substantifs masculins. Ces substantifs reçurent la finale AIRE, EIRE, IRE, comme sujets au singulier, Trobaire, troubadour, Bateyre, batteur, Servire, serviteur, et la finale ADOR, EDOR, IDOR, comme régimes directs ou indirects au singulier, et comme sujets ou régimes au pluriel, Trobador, Batedor, Servidor.

L' S ne s' attachait jamais à ces sortes de substantifs au singulier, parce que la terminaison suffisait pour distinguer le sujet en AIRE, EIRE, IRE, du régime direct ou indirect qui était toujours en ADOR, EDOR, IDOR, mais au pluriel, qui avait toujours cette dernière désinence, l' S marquait les deux espèces de régimes.

Plusieurs substantifs, par leur double terminaison masculine et féminine, pouvaient être employés tour à tour dans le genre qui convenait aux auteurs comme fuelh, fuelha, feuille; joy, joya, joie; ser, sera, soir; dons (: dona), domna, dame: mais alors, pour ce dernier substantif, le pronom possessif qui était joint à dons, était MI, TI, SI, au lieu de MA, TA, SA:

MI dons, SI dons, etc.

EN, placé devant un nom propre masculin, indiqua une sorte de distinction de la personne, et signifiait seigneur, sire: En Peyrols, En Guilems. 

(N. E. Creo que de mossen, mon seigneur, senher etc.: 'N Uc, N' Anfos.)

NA, au-devant du nom d' une femme, avait la signification de dame, domiNA: NA Maria, Na Margarida.

Ces signes furent placés même devant les sobriquets ou noms fictifs qui 

étaient donnés à des personnes qualifiées.

Ils furent ajoutés quelquefois aux mots qualificatifs senher et domna:

senher EN Enric, domna NA Maria.

NA subissait parfois l' élision devant les noms qui commençaient par des 

voyelles: N' Agnes pour Na Agnes.

De même, en poésie, pour la mesure du vers, on écrivait indifféremment EN ou N, quand le mot précédent se terminait par une consonne.

Enfin au lieu de EN, on employa aussi DON, DOM, venant de dominus, et qui avait la même signification.

Verbes employés substantivement.

A l' exemple de la langue grecque et de la langue latine, les présents des infinitifs furent souvent employés substantivement.

Comme sujets, ils prirent ordinairement l' S final.

Comme régimes ils rejetèrent cet S.

Les régimes indirects furent précédés des prépositions qui les désignaient.

Quelquefois l' article fut joint à ces verbes, soit sujets, soit régimes; quelquefois ils furent employés sans articles, ainsi qu'on le pratiquait à l' égard des substantifs mêmes.

Aux verbes employés substantivement s' attachèrent comme aux véritables substantifs, les pronoms possessifs, démonstratifs, etc., et tous les différents adjectifs; en un mot, ces verbes remplirent entièrement les fonctions des substantifs ordinaires.

Par analogie, les gérondifs furent aussi employés substantivement, et alors ils étaient précédés de l' article: Al pareissen de las flors, au paraissant des fleurs.

Bernart de Ventadorn. Be m'an perdut, lai enves Ventadorn, ++

Bernart de Ventadorn.

(N. E. Omito la lista de los manuscritos o textos fuente a partir de ahora. Si alguien quiere comparar manuscritos, que lea este libro en su original.)

Be m'an perdut, lai enves Ventadorn,

tuit mei amic, pos ma domna no m'ama,

et es be dreitz que ja mais lai no torn,

qu'ades estai vas mi salvatg' e grama.

Veus per que m fai semblan irat e morn!

Quar en s'amor mi deleit e m sojorn,

ni de ren al no s rancura ni s clama.

Aissi co l peis qui s'eslaiss' el cadorn

e no sap re tro que s'es pres en l'ama,

m'eslaissei eu vas trop amar un jorn,

qu'anc no saup mot tro fui en mei la flama

que m'art plus fort que no fai focs en forn;

e ges per so no m posc partir un dorn,

aissi m te pres s'amors que m'aliama.

No m meravilh si s'amors mi te pres,

que genser cors no cre qu'el mon se mire;

bels es e blancs e frescs e gais e les,

e totz aitals cum eu volh e dezire:

no posc dir mal de leis, que no n i es;

ben n'agra dig de joi, s'eu li saubes,

mas no li sai: per so m'en lais de dire.

Totz temps volrai sa honor e sos bes,

e lh serai hom et amics e servire,

e l'amarai, be li plass' o be lh pes,

qu'om no pot cor destrenher ses aucire.

No sai domna, volgues o no volgues,

si m volia, qu'amar no la pogues;

mas totas res pot hom en mal escrire.

A las autras sui aissi escazutz:

laquals si vol mi pot vas si atraire,

per tal coven que no m sia vendutz

l'onors ni l bes que m'a en cor a faire;

qu'enoios es preiars, pos es perdutz:

per mi us o dic, que mals m'en es vengutz,

qu'enganat m'a la bela de mal aire.

En Proensa tramet mans e salutz,

e mais de bes qu'om no lor sap retraire,

e fatz esfortz, miraclas e vertutz,

car eu lor man de so don non ai gaire;

qu'eu non ai joi mas tan com m'en adutz

mos Bels Vezers e'n Faituratz, sos drutz,

e'n Alvergnatz, lo senher de Belcaire.

Mos Bels Vezers, per vos fai Deus vertutz

tals c'om no us ve que no si' ereubutz

dels bels plazers que sabetz dir e faire.

II.

Quan la douss' aura venta

deves vostre pais,

veiaire m'es qu'eu senta

un ven de paradis,

per amor de la genta

vas cui eu sui aclis,

en cui ai mes m'ententa

e mon coratge assis;

quar de totas partis

per leis, tan m'atalenta.

Sol lo be que m prezenta,

sos bels olhs e l francs vis,

que ja plus no m consenta,

mi deu aver conquis:

no sai per que us en menta,

quar de re no sui fis;

mas greu m'es que m repenta,

que una vetz me dis

que pros hom s'afortis

e malvatz s'espaventa.

De domnas m'es veiaire

que gran falhimen fan,

per so quar no son gaire

amat li fin aman.

Eu no dei ges retraire

mas so qu'elas volran:

mas greu m'es c'us trichaire

d'amor ai' ab engan

o plus o astrestan (autretan)

cum cel qu'es fis amaire.

Domna, que cuidatz faire

de mi qui vos am tan,

c'aissi m vezetz mal traire

e morir de talan?

Ai, francha de bon aire,

fessetz m'un bel semblan,

tal don mos cors s'esclaire,

que mout trac gran afan;

e no i dei aver dan,

quar no m'en posc estraire.

Si no fos gens vilana

e lauzengier savai,

eu agr' amor certana;

mas no m'en recreirai:

de solatz m'es humana,

quan locs es ni s'eschai,

per qu'eu sai qu'asatz mana

n'aurai enquera mai:

qu'astrucs sojorn' e jai

e malastrucs s'afana.

Cel sui que no soana

lo be que Deus li fai,

qu'en aquela setmana,

quant eu parti de lai,

mi dis en razo plana

que mos chantars li plai.

Tot' arma crestiana

volgra agues tal jai

cum eu agui et ai,

car sol d'aitan se vana.

Si d'aisso m'es certana,

autra vetz la'n creirai,

o si que no, ja mai

no creirai crestiana.

III.

Tant ai mon cor plen de joia,

tot me desnatura;

flors blanca, vermelh' e bloia

me par la freidura,

qu'ab lo vent et ab la ploia

me creis l'aventura,

per que mos chans mont' e poia

e mos pretz melhura.

Tant ai al cor d'amor 

de joi e de doussor,

que lo gels me sembla flor

e la neus verdura.

Anar posc ses vestidura

nutz en ma chamiza

que fin' amors m'assegura

de la freida biza;

et es fols qui s desmezura

e no s ten de guiza:

per qu'eu ai pres de mi cura,

pos que aic enquiza

la plus bela d'amor,

don aten tan d'onor

si qu'en loc de ma ricor

no volh aver Friza.

De s'amistat m'esraiza;

mas eu n'ai fiansa

que sivals eu n'ai conquiza

la bela semblansa:

et ai ne a ma deviza

tan de benenansa

que ja l jorn que l'aia viza

non aurai pezansa.

Mon cor ai en amor,

e l'esperitz lai cor,

et si m sui eu sai, alhor,

lonh de leis en Fransa.

Tan n'aten bon' esperansa

ves que pauc m'aonda

qu'atressi sui en balansa

cum la naus en l'onda.

Del maltrag que m dezenansa

no sai on m'esconda:

tota noit me vir' e m lansa

de sobre l'esponda.

Tan trac pena d'amor

qu'a Tristan l'amador

non avenc tan de dolor

per Yzeut la blonda.

Ai Deus, ar sembles ironda,

que voles per l'aire,

qu'eu vengues de noit prionda

lai al seu repaire!

Bona domna jauzionda,

mor se l vostr' amaire;

paor ai que l cors mi fonda,

s'aisso m dura gaire.

Domna, vas vostr' amor

jonh mas mas et ador.

Bel cors ab fresca color,

gran mal me faitz traire,

Qu'el mon non a nulh afaire

don eu tan consire;

ni aug de leis ben retraire

que mon cor no i vire

e mos semblans no s'esclaire,

que qu'eu n'auia dire,

si qu'ades vos es veiaire

qu'ai talen de rire.

Tan l'am per fin' amor

que mantas vetz en plor,

pero que melhor sabor

m'en an li sospire.

Messatgier, vai e cor

e di m a la gensor

la pena e la dolor

qu'eu trac e l martire.

IV.

Quant vei la lauzeta mover

de joi sas alas contra l rai,

que s'oblid' e s laissa cazer

per la doussor qu'al cor li vai,

ailas, quals enveia m'en ve

de cui qu'eu veia jauzion!

Meravilhas ai, quar desse

lo cors de dezirier no m fon.

Ailas, tan cuiava saber

d'amor, e tan petit en sai!

Quar eu d'amar no m posc tener

celleis don ja pro non aurai;

tout m'a mon cor e tout m'a se

e mi mezeis e tot lo mon;

e quan si m tolc, no m laisset re

mas dezirier e cor volon.

Anc non agui de mi poder

ni no fui meus des l'or' en sai

que m laisset en sos olhs vezer,

en un miralh que mout mi plai.

Miralhs, pos me mirei en te,

m'an mort li sospir de preon,

qu'aissi m perdei cum perdet se

lo bels Narcisus en la fon.

De las domnas mi dezesper;

ja mais en lor no m fiarai,

qu'aissi cum las solh captener,

enaissi las descaptenrai.

Pos vei que una pro no m te

ab leis que m destrui e m cofon,

totas las dopt e las mescre,

quar be sai qu'atretals se son.

D'aisso s fai ben femna parer

ma domna, per qu'eu lo retrai,

que no vol so qu'om deu voler,

e so qu'om li deveda fai.

Cazutz sui en mala merce

et ai ben fait cum fols en pon,

e no sai per que m'esdeve,

mas quar trop pogei contra mon.

Merces es perduda per ver,

et eu non o saubi anc mai,

quar cil que plus en degr' aver

no n a ges, et on la querrai?

A, quan mal sembla, qui la ve,

que aquest caitiu deziron,

que ja ses leis non aura be,

laisse morir, que no l'aon!

Pos ab mi dons no m pot valer

precs ni merces ni l dreitz qu'eu ai,

ni a leis no ven a plazer

qu'eu l'am, ja mais no l o dirai.

Aissi m part d'amor e m recre:

mort m'a e per mort li respon,

e vau m'en, pos ilh no m rete,

caitius en eissilh, no sai on.

Tristans, ges non auretz de me,

qu'eu m'en vau caitius, no sai on:

de chantar me gic e m recre,

e de joi e d'amor m'escon.