I, Senher dieus, que fezist Adam,

I.

Senher dieus, que fezist Adam,

Et assagiest la fe d' Abram,

E denhest penre carn e sanc

Per nos, tant fust humils e franc!

Pueis liuriest ton cors a martire,

Don mos cors en pessan m' albire

Que trop fesist d' umilitat

Segon ta auta poestat;

Dieus Ihum Crist, filh de Maria,

Senher, mostra m la drecha via,

E no y esgart los meus neletz,

E retorna m' als camis dretz.

Hueimais be s tanh qu' ieu me descobra,

Tant ai estat en mala obra!

Tost temps a me gran amareza,

E tenc mon cor en cobezeza;

Voluntiers ajustiey vas me

E non ges tot per bona fe;

Voluntiers amassey l' autrui

E non guardei ni qual ni cui,

E fui tost temps de malenconi,

E mantinc obra de demoni,

Quan me venc en cor que m partis

E que a tu ver dieu servis;

Peccatz m' azauta que me refresca,

Que m' es pus dos que mel ni bresca,

E retorna m' al recalieu

Que m' es salvatge et esquieu,

Tant me sobra peccatz mortals!

Si tu, vers dieus, doncx no m' en vals,

Tant es cozen lo mal que m toca

Que no 'l puesc comtar ab la boca,

Ni metje no m' en pot valer,

Si tu no m vals per ton plazer,

Glorios dieus, per ta merce

Dressa ta cara devan me,

E remira lo greu trebalh

C' aissi m tensona e m' assalh,

Que los mieus peccatz son per nombre, 

Per tal tem que la mort m' encombre, 

Qu' els mieus peccatz son massa trops, 

E 'l tieu coselh m' a mot gran obs. 

Gran merce te clam com hom vencut 

Que m' aiut, dieus, per ta vertut; 

Qu' en peccat soi natz e noiritz, 

Et en peccat ai tant dormitz 

C' apena vei la clara lutz 

Qu' el tieu sant esperit m' adutz;

En escur vauc com per tenebras;

Malautes sui pus que de febras,

En caitivier jac et en pena

E tenc al col tan gran cadena

Que tot soi pesseiatz e franhs,

Tan fort es dura e pezans!

Glorios dieus, senher del tro,

Si t plai, delieura m de preizo;

Ab gran dolor t' apel e crit,

Senher, no m metas en oblit;

Oblidat m' as per ma folhor

Car no t servi com a senhor,

E soi pus freg que neu ni glas,

Quan me parti del tieu solas;

Glorios dieus, dona m calor

E sen e forsa e vigor

E conoissensa e saber,

Qu' ieu te serva a ton plazer.

Senher dieus, fai ne de mon cor

De totas partz dins e defor,

De tota mala voluntat,

E d' erguelh e de malvestat,

E retorna m' al tieu servici,

E salva m' al jorn del juzizi;

Glorios dieus, tramet me lum

Que m get dels huels aquel mal fum,

Aisi que sian bels e clars,

Que no sian durs ni avars,

E reconosca 'ls tieus sendiers,

C' aissi son plas e drechuriers;

Qu' ieu res no vei ni sai on so,

Ans prenc lo mal e lais lo bo;

Senher dieus, garda m del camis

Que la mort troba tan mesquis,

E de lur gran desaventura

Dels enemicx, que es tan dura.

Dieus, perdona me en ma vida

Totz mos peccatz e ma falhida,

Ans que la mortz me sobrevenga,

Quan non poirai menar la lengua;

Car penedensa del adoncx

No val a l' arma quatre joncx;

Adjuda m, dieus, tost; no moticx,

Car tost mos mortals enemicx

N' aurian gaug senes acort,

Si m podiam liurar a mort.

Senher dieus, mot m' o tenc a tala,

Car ieu no truep genh ni escala

On te pogues venir denan,

Laisus on son li gaug e 'l san.

Dieus, tu que fist tan bel miracle,

Met me el tieu sant habitacle,

Car tot mon cor e m' esperansa

Es en la tua piatansa;

Car pus greu comte que d' arena

Port de pecat sus en l' esquena;

Qu' el mon no sai hom tan deslieure

Pogues totz mos pecatz escrieure;

Mas tu, senher vers dieus, que saps

Mos pessamens e totz mos abs,

A tu non puesc esser selat

Cal fui, cal soi, cal ai estat;

Tant ai peccat que no sai nombre;

Si anc fui fols, aras soi domde,

Car peccat m' a cubert e clors,

De totas parts me tenon mortz.

Dieu, dona m genh com en partisca,

Per so que t laus e que t grazisca,

Car tu yest, dieu dos, amoros

E senher dieu tot poderos.

Veray dieu, dressa tas aurelhas

Enten mos clams e mas querelhas;

Aissi t movrai tenson e guerra

De ginolhos, lo cap vas terra,

La mas juntas e 'l cap encli

Tan tro t prenda merce de mi;

E lavarai soven ma cara,

Per tal que sia fresqu' e clara,

Ab l' aigua cauda de la fon

Que nais del cors laisus el fron;

Car lagremas e plans e plors

So son a l' arma frutz e flors.

Senher dieus, en tu ai mos precx,

En esta cocha no m denecx;

Ja soi ieu tos parens carnals

E tos parens esperitals;

Ieu soi tos filhs e tu mos paire,

Lo mieu senher e 'l mieu salvaire;

Ieu soi tos filhs, tu mos parens,

Aias de mi bos chauzimens,

Car ieu soi ples de tot peccat

E tu, senher, d' umilitat;

Tu iest fort aut et ieu trop bas,

Car peccat m' a vencut e las.

Dels enemicx me garda, senher,

Que m volon dampnar e destrenher;

Ampara m, dieus; mos esperitz,

Ans qu' en sia del tot partitz,

E dona m vida eternal

El tieu regne celestial.

Folquet de Marseille.

Izarn (anónimo), las novas de l'heretge. Di me, de cal escola as tu aisso avut

Izarn, las novas de l'heretge. 

P. Meyer, Annuaire - Bulletin de la Société de l'Histoire de France 1879, p. 233 ss. (Me.). Appel, Provenzalische Chrestomathie, p. 153 ss. (Ap.). - Grdr. § 16, p. 160. St. p. 50.

"Di me, de cal escola as tu aisso avut

que l'esperitz de l'home, cant a lo cors perdut,

se met' en bou o'n aze o en mouto cornut,

en porc o en galina, el premier c'a vezut,

e va de l'un en l'autre, tro que i a cors nascut

o d'ome o de femna? Aqui a loc sauput,

aqui fai penedensa et a lonc temps tengut

e tostems o tenra, tro sia endevengut

lo dia del juzizi, que deu cobrar salut

e tornar en la gloria el loc que a perdut.

Aisso fas tu conoisser a l'home deceuput

c'as donat al diable e l'as de Deu mogut,

que va de l'un en l'autre et espera salut

e cuia recobrar aco que a perdut.

Tot loc e tota terra que t'a ja sostengut

degra perir e fondre, que tan mal as tescut,

ordit e semenat lai on hom t'a crezut.

Si aguesses la fe d'en Bernart Montagut

o d'en Raimon Vilar o d'en Bernart Pagut,

be t foras cofessatz.

Oimai d'aissi avan non seras esperatz:

si aras no t cofessas, lo focs es alucatz,

e l corns va per la vila l pobles es amassatz

per vezer la justizia, c'ades seras crematz."

"Izarn," so ditz l'eretje, “si vos m'asseguratz 

ni m faitz assegurar que no sia crematz,

emuratz ni destrugz, be sofrirai en patz

totz los autres tormens, si d'aquestz me gardatz; 

e s'eu posc esser fis que de vos no m partatz

e que m tenguatz onrat, que no sia forsatz,

tant auziretz de mi dels nostres enbaissatz,

que per ver dic a vos que m n'aian lauzenjatz. 

Beritz e Peir Razols non sabon ab us datz

segon qu'eu vos dirai de tot can demandatz

de crezens ni d'eretjes; mas volh n'esser celatz,

que s'eu s dic mos secretz ni m'en descobriatz

e ma cofessio e no m recebiatz 

vos ni ls prezicadors, seria i gualiatz.

E dirai vos per que, be volh que o sapchatz:

qu'eu ai be cinc cens homs d'aquestas mas salvatz

e mes en paradis, mai fui bisbes levatz

si m sui partitz de lor e ls ai desamparatz;

trastotz aquels cinc cens auria dessalvatz

e liuratz als diables per far lor voluntatz,

en las penas d'ifern cazutz e condampnatz,

que ja mai us d'aquels non seria salvatz.

E que faria eu, si pois er' encontratz

per los amics d'aquels e no m recebiatz

et er' en vostra cort escarnitz e janglatz,

e perdia l loc de So, en que eu sui pauzatz,

e caber no i podia? Seria grans foldatz.

E par aco volria que i fos la fermetatz

del laissar o del penre, mai vengutz sui guizatz.

Mai tot en primaria volh be que o sapjatz

qu'eu per fam ni per set no mi sui prezentatz,

ni per nulha paubreira, que be vos o sapjatz.

Vers es que totz nos autres a hom entrecelatz,

que ns gardem de l'esclau d'aquels c'om a citatz,

que non trobon adop que lor sia onratz

ni nulh plaideiamen senes covens fermatz;

que qui pren un heretje, on que sia trobatz,

lo deu redr' a la cort, si vol estr' escapatz.

Aisso so meravilhas maiors que no us pensatz,

que li plus car amic e ls plus endomergatz

que nos autri acsem, nos n'an dezamparatz

e so fach adversari et enemic tornatz,

que ns prendo e ns estaco cant nos an saludatz,

per so qu'els sian quiti e nos autres damnatz.

Aissi cuion ab nos rezemer lor peccatz.

Mai ans que cocha m fassa, m'en sui aconselhatz,

que sui vengutz en cort de grat e non forsatz,

e fag vos ai amor maior que no us pensatz,

qui sap la benanansa en la cal sui pauzatz.

E dir vos ai un pauc si no vo n enoiatz:

Eu ai ganre d'amics, manens et assazatz,

e no n i a negu que s tengua per paguatz,

s'a deniers o argen, tro que ls m'a comandatz.

D'avers e de comandas sui be atessaratz,

que totz nostres crezens ne tenc acabalatz;

que pauc n'i trobaretz paupres ni estiratz.

De vestirs a dobliers sui be apparelhatz,

de camizas, de braguas, de lansols bugadatz,

de cobertors, de vanoas a mos amics privatz,

que ls en posc ben servir, can los ai covidatz.

Si m dejuni soven, ja d'aco no m planguatz,

que be mangi soven de fort bos cozinatz,

de salsas de girofle e de bos empastatz.

Be val peis avol carn, e bos vis giroflatz

val be vi de tonela, e pas barutelatz

val be michas de claustra; et eissutz que molhatz

val mais a las vegadas, que, can vos trasnuchatz

al ven o a la ploia ni venetz tantolhatz, 

eu m'estau dins cobert belamen et en patz

ab los nostres cofraires, que son appariatz,

que m'espulgo e m grato can m'en ven volontatz.

E ben a las veguadas, can m'en ven volontatz,

si es cozis o cozina, no costa re l peccatz,

qu'eu meteis m'en absolvi, can ne so devalatz.

Non i a descrezensa ni tan mortals peccatz,

qui que ls digua ni ls fassa, que no sia salvatz,

s'a nos autres s'en ve, aissi o entendatz,

per me o pel diague que m'estara de latz.

Vecvos la benanansa en que eu sui pauzatz!

E s'eu la volh giquir, car conosc qu'es peccatz,

e prenc la fe de Roma, volh que m'o graziscatz

e que sia receuputz coma us homs onratz.

Ermengautz de Figueiras fo mos pair' apelatz,

cavaliers pogr' eu esser si astres m'en fos datz;

e s'eu no sui el segle garnitz ni espazatz,

volh o esser de Deu, mas vos m'o conselhatz.

A vos o dic, n'Izarn, car es enrazonatz

de rimas de romans, et es endoctrinatz,

que nulhs homs de las terras en es mielhs assaiatz. 

De nove questios que denan me pauzatz

e m prezicatz tot jorn, me sui aconselhatz,

que totas las creirai, e mai, si m'en mostratz,

per los bos testimonis que vos me amenatz

e per las guerentias que denan me pauzatz.

Per las vostras paraulas volh esser bateiatz

e tornatz a la fe que vos me sermonatz,

vos e fraire Ferriers, a qui poders es datz

de liar e de solvre, cals que sia l peccatz,

d'eretj' o de Baudes o dels Essabatatz.

E qui de mi us demanda, qui es lo coffessatz,

vos lor o podetz dire, car sera veritatz,

qu'es Sicartz de Figueiras, lo cals es cambiatz

de trastotz sos mestiers.

C'aissi coma sol esser enemics e guerriers

de la gleiza de Roma, oimai irai estiers,

qu'encaussarai heretjes, crezens e lauzengiers,

que ja amor ni tregua, que valhan dos deniers,

non trobaran ab mi: e s'anc fui plazentiers

a Peire Capella, ni a sos captaliers,

ni a Joan del Colet amics ni parceriers,

oimai d'aissi enan lor serai aversiers.

Si covertir no s volon, ans que venga febriers,

trastotz los farai penre a nostres escudiers.

Beritz e Peir Razols e Ricartz lo portiers

sabran be las estradas e ls camis traversiers,

los cluzels e las balmas e ls passes e ls sendiers

e ben las cavarotas on rescondo ls deniers.

E no m podon guerir qu'eu no ls tenga premiers.

Ja no us i calra esser, vos ni fraire Ferriers,

si covertir no s volo, vistz nostres messatgiers.”

"Sicart, ben aias tu: aquel Deus drechuriers

que formet cel e terra, las aiguas e ls tempiers

e l solelh e la luna, ses autres parsoniers,

te done que tu sias d'aquels leials obriers

que Deus mes en la vinha, c'aitan det als derriers,

can los ac alogatz, coma fetz als premiers.

Tu seras us d'aquels, si vols esser entiers,

c'aissi com as estat pervers e messorguiers,

que sias vas la fe leials e vertadiers.”

Solvre, Solver

Solvre, Solver, v., lat. solvere, délier, absoudre, délivrer, résoudre.

Qu' en cel et en terra pogues

Solver quascun de sos peccatz.

Pons de Capdueil: En honor del. 

Qu'en ciel et en terre il pût absoudre chacun de ses péchés.

Totas questios

El solvia.

B. Carbonel: S' ieu anc.

Toutes questions il résolvait.

 

 

Ja, per plag que m' en mueva,

No m solvera de son liam.

Le Comte de Poitiers: Farai chansoneta.

Jamais, pour querelle qu'elle m'en suscite, je ne me délivrerais de son lien.

A qui poder es datz

De liar e de solvre cal que sia 'l peccatz

D' eretic o de baudes o dels essabatatz.

Izarn: Diguas me tu.

A qui pouvoir est donné de lier et de délier quel que soit le péché d'hérétique ou de vaudois ou des ensabatés.

Part. pas. Sia de part mi souta,

Qu' ieu m tenc de part lieis per soutz.

Giraud de Calanson: Ara s' es ma.

Qu'elle soit de par moi déliée, vu que je me tiens de par elle délié.

ANC. FR.

Par exemple d'autruy faiz soudre la question.

Œuvres d'Alain Chartier, p. 292.

Si c'est quelque question difficile à soudre... lui-même te la soudra.

Amyot, trad. de Plutarque. Morales, t. III, p. 38.

Ledict Panurge solut très bien le problème.

Rabelais, liv. II, ch. 16.

Tant et sy longuement qu'ilz seront solz et payés de tout.

Charte de Valenciennes, p. 33.

ESP. PORT. Solver. IT. Solvere. (chap. solusioná un problema; absoldre los pecats; resoldre una derivada o integral; disoldre una grassiosa de paperet en aigua, o un catalanista en ássit sulfúric : de sofre, que ham vist mes amún.)

 

2. Solutio, Solution, s. f., lat. solutionem, solution, dénouement d'une difficulté. 

De tot li dis sant Honoratz

Solutions e veritatz.

V. de S. Honorat.

(chap. De tot li va di san Honorat solusions y verdats.)

De tout saint Honorat lui dit explications et vérités.

- Séparation des parties.

Quan accideys solucio de continuitat en una de aquestas cartilages.

Trad. d'Albucasis, fol. 20.

Quand arrive solution de continuité en un de ces cartilages.

- Relâchement.

Fort solucio de ventre. Trad. d'Albucasis, fol. 9.

Fort relâchement de ventre.

- Paiement, acquittement.

En solution et en paga. Tit. de 1287. DOAT, t. XI, fol. 24.

En acquittement et en paiement.

CAT. Solució. ESP. Solución. PORT. Solução. IT. Soluzione. (chap. Solusió, solusions; algú pronunsiará ss, entonses se escriu: solussió, solussions.)

 

3. Solvemen, s. m., acquittement, remise, décharge, quittance.

Los covinens e 'ls solvemens que las donzellas fan a paire e a maire.

Statuts de Montpellier, de 1204.
(N. E. En 1204 fue coronado rey de Aragón en Roma Pedro II, señor de Montpellier. Tenemos algún texto famoso, como el de 1196, “als presentz”; Jaime I, su hijo, aún tardaría bastante a entrar en Valencia o conquistar Mallorca. En torno al 1100 se encuentran los textos de los Vaudois, baudes, del Vaud, en Suiza, y la lengua occitana está ya más que desarrollada, con las particularidades de esa zona. En el año 842 encontramos el primer documento escrito con muchas palabras en chapurriau mezclado con latín, en Estrasburgo, los juramentos, serments en francés, Straßburger Eide en alemán.)

Les conventions et les décharges que les demoiselles font à père et à mère.

Carta del solvemen qu' el reis fes als mercadiers.

Cartulaire de Montpellier, fol. 161.

Charte de la remise que le roi fit aux marchands.

 

4. Solutiu, adj., solutif, propre à dissoudre, à résoudre.

Confections de medicinas solutivas. Fors de Bearn, p. 1078.

(N. E. En el texto que edito, Bearn sale con tilde, Béarn, y sin ella, Bearn; suelo dejar el texto tal como lo leo en el PDF. Bearne.)

Confections de médecines solutives.

Subst. Deves uzar de solutius. Eluc. de las propr., fol. 97.

Vous devez user de solutifs.

CAT. Solutiu. ESP. IT. Solutivo. (chap. Solutiu, solutius, solutiva com la lejía, solutives; disolutiu, disolutius, disolutiva, disolutives; purgán, purgans, purganta, purgantes; purgatiu com mesclá servesa en lleit, purgatius, purgativa com la ruda, herbes purgatives com la ortiga, ortigues, fetes en sopa o crema.)

 

5. Absolvre, Absolver, Assolver, v., lat. absolvere, absoudre, délier, dégager. 

Lo poder m' era donatz

D' absolver las gens dels peccatz.

(chap. Lo poder me ere donat de absoldre a la gen (les gens) dels pecats.)

V. de S. Honorat.

Le pouvoir m'était donné d'absoudre les gens des péchés.

- Expliquer, interpréter, résoudre.

Que li absolveson aquel somni, e negun no lo li saup absolvre.

Abr. de l'A. et du N.-T., fol. 6.

Qu'ils lui expliquassent ce songe, et nul ne le lui sut expliquer.

Que d' infra aquel temps absolvessan las questions.

Hist. de la Bible en prov., fol. 79.

Que depuis ce temps ils résolussent les questions.

- Livrer, délivrer.

Vendero e donero, gurpiro et absolvero a 'N Ratier.

Tit. de 1198. Arch. du Roy., Toulouse, J. 328.

Vendirent et donnèrent, délaissèrent et livrèrent au seigneur Ratier.

Part. pas. Era sui assoutz en amor.

Bertrand de Born: Cortz e guerras.

Maintenant je suis délié en amour.

Es absolt del sagramen. L' Arbre de Batalhas, fol. 220.

Il est dégagé du serment.

Subst. O ab assout o ab beur' o ab manjar.

P. Cardinal: Un sirventes.

Ou avec absout (absolution) ou avec boire ou avec manger.

- Absolu, terme de grammaire.

Son apelat absout, quar ne son tengut de regir acusatiu. Leys d'amors, fol. 43. 

Ils sont appelés absolus, parce qu'ils ne sont pas tenus de régir l'accusatif.

ANC. FR. Et se confessa à moy, et je li dis: Je vous asolz de tel pooir comme Dieu m'a donné. Joinville, p. 76.

Et li absolurent du serment qu'il avoit fait aux Anglois.

Monstrelet, t. II, fol. 119.

Absolu m'a de mes péchiés. Roman de la Rose, v. 11309.

Tant et si longuement qu'il sera asolz et payés de toute ladite depte.

Charte de Valenciennes, p. 401.

ANC. CAT. Absolrer. CAT. MOD. Absoldrer. ESP. PORT. Absolver. IT. Assolvere. 

(chap. Absoldre : absolbo o absolgo, absols, absol, absolbem, absolbéu, absolen; absolt, absolts, absolta, absoltes.)

 

6. Absolutio, s. f., lat. absolutio, absolution, décharge.

Covinens et absolutios las quals fan las donzellas al paire et a la maire.

Cout. d'Alais, Arch. du Roy., K. 704.

Conventions et décharges lesquelles font les demoiselles au père et à la mère.

Loc. Li dona absolutio. Brev. d'amor, fol. 116.

Lui donne absolution.

CAT. Absolució. ESP. Absolución. PORT. Absolução, absolvição. IT. Assoluzione. 

(chap. Absolusió, absolusions; absolussió, absolussions.)

 

7. Absolvement, Absolvemen, s. m., absolution.

L' absolvemens del capela. Brev. d'amor, fol. 116.

(chap. L'absolusió del capellá; absolvemén, absolvemens.)

L'absolution du chapelain.

- Quittance.

An donat... per aquest absolvement, cent sols.

(chap. Lo chapurriau de fa 920 añs lo podéu escriure vatros mateixos, que se entén mol be.)

Tit. de 1106. DOAT, t. CXIV, fol. 224.

Ont donné... pour cette quittance, cent sous. 

ANC. ESP. Absolvimiento. (chap. absolvemén, absolvemens; absolvimén, absolvimens; absolusió o absolussió.)

 

8. Absolut, adj., lat. absolutus, absolu, terme de grammaire.

Noms absolutz, es aquel qu' om per lui meteysh enten ses ajustamen d' autre. 

Leys d'amors, fol. 48.

Nom absolu, c'est celui qu'on entend par lui-même sans adjonction d'autre.

CAT. Absolut. ESP. PORT. Absoluto. IT. Assoluto. (chap. Absolut, absoluts, absoluta, absolutes; nom absolut, es aquell que se entén per nell mateix sense ajuntamén datre.)

 

9. Absolutament, Absolutamen, adv., absolument, parfaitement, entièrement.

Cum aquo no sia absolutament vertatz. Trad. d'Albucasis, fol. 2.

(chap. Com aixó - assó, açó - no sigue absolutamen verdat.)

Comme cela ne soit pas entièrement vérité.

- En terme de grammaire, il se disait d'un nom ou d'un verbe employé sans régime:

Si us ablatius es pauzatz absolutamen. Leys d'amors, fol. 56.

(chap. Si un ablatiu es posat absolutamen : sense régim o complemén.)

Si un ablatif est posé absolument.

CAT. Absolutament. ESP. PORT. Absolutamente. IT. Assolutamente.

(chap. Absolutamen o absolútamen, ya que lo acento fort cau a la u, y entonses la paraula es esdrújula y se fique tilde. A mols adverbios llargs passe lo mateix.)

 

10. Dissolvre, Dissolver, Disolvre, Disolver, v., lat. dissolvere, dissoudre, détacher, séparer.

Quan calor fa sa operacio en qualque re, dissol sas partidas.

(chap. Cuan la caló fa sa (la seua) operassió a consevol cosa, dissol les seues parts.)

Eluc. de las propr., fol. 24.

Quand la chaleur exerce son action sur quelque chose, elle dissout ses parties. 

Pren un petit de sal, e disolveys aquel. Trad. d'Albucasis, fol. 2.

Prend un peu de sel, et dissout celui-là.

Part. pas. No sia deliada ni dissolta. Trad. d'Albucasis, fol. 63.

Qu'elle ne soit déliée ni détachée.

- Dérégler.

Ministrar laxatio per purgar las dissoltas humors.

Eluc. de las propr., fol. 104.

Administrer relâchement pour purger les humeurs déréglées.

ESP. Disolver. PORT. Dissolver. IT. Dissolvere. (chap. Disoldre o dissoldre; desfé; deslligá; dissolt, dissolts, dissolta, dissoltes; desfet, desfets, desfeta, desfetes; deslligat, deslligats, deslligada, deslligades.)

 

11. Dissolut, adj., lat. dissolutus, détaché, dissolu, déréglé, sans mesure.

En nota de cans o de sos dissolutz. V. et Vert., fol. 88.

En note de chants ou de sons déréglés.

Rims dissolutz, en autra maniera rimas dissolutas. Leys d'amors, fol. 21.

Rimes dissolues, en autre manière rimes dissolues.

- Débauché, déshonnête.

E 'ls morgues ero tuit dissolut. Cat. dels apost. de Roma, fol. 126.

Et les moines étaient tous dissolus.

CAT. Dissolut. ESP. Disoluto. PORT. IT. Dissoluto. (chap. Dissolut, dissoluts, dissoluta, dissolutes; sense mida; descabestrat, descabestrats, descabestrada, descabestrades.)

 

12. Dissolucio, Dissolutio, s. f., lat. dissolutio, dissolution, division, séparation.

Es dissolucios de vida. Trad. de Bède, fol. 31.

C'est dissolution de vie.

- Diffusion.

Dissolutios, la qual se fay per aquesta meteyssha maniera.

(chap. Dissolusió, la cual se fa de (per) esta mateixa manera.)

Leys d'amors, fol. 122. 

La diffusion, laquelle se fait par cette même manière.

CAT. Dissolució. ESP. Disolución. PORT. Dissolução. IT. Dissoluzione. (chap.  Dissolusió, dissolusions.)

 

13. Dissolutiu, adj., dissolutif, propre à dissoudre.

Cum sia per sa calor dissolutiu.

Cum tota medecina sia dissolutiva.

Eluc. de las propr., fol. 29 et 104.

Comme il soit par sa chaleur dissolutif.

Comme toute médecine soit dissolutive.

Subst. Si purga ab dissolutius. Eluc. de las propr., fol. 86.

Se purge avec des dissolutifs. 

ESP. Disolutivo. PORT. IT. Dissolutivo. (chap. Dissolutiu, dissolutius, dissolutiva, dissolutives; dissolvén, dissolvens, dissolventa o dissolvén, dissolventes o dissolvens.)

 

14. Dessoliar, v., délier, détacher, desserrer.

Part. pas. Ris, dessoliadas tas lavras. Trad. de Bède, fol. 69.

Ris, tes lèvres desserrées.

 

15. Rezolucio, s. f., lat. resolutio, résolution.

Per rezolucio de la cauza odorabla.

Neu, apres sa rezolucio, mollifica et humecta la terra.

Eluc. de las propr., fol. 16 et 137.

Par résolution de la chose odoriférante.

La neige, après sa résolution, amollit et humecte la terre.

CAT. Resolució. ESP. Resolución. PORT. Resolução, IT. Resoluzione.

(chap. Ressolusió, ressolusions; en lo cas de la neu, se fon, fondre, fondres.)

 

16. Resolutiu, adj., résolutif, propre à résoudre, à dissiper.

Aperitius, resolutius. Trad. d'Albucasis, fol. 55.

Apéritifs, résolutifs.

Lutz es... del gel resolutiva. Eluc. de las propr., fol. 120.

La lumière est... de gelée résolutive.

CAT. Resolutiu. ESP. PORT. IT. Resolutivo. (chap. Resolutiu, resolutius, resolutiva, resolutives. La llum es del gel resolutiva : fon lo gel, lo disipe o dissipe, lo fa marchá.)

Pena

Pena, s. f., lat. poena, peine, tourment, chagrin.

Platz mi mais per leis pena durar, 

Que de nuilh' autr' aver tot mon talen.

G. Faidit: Trop malamen.

Il me plaît davantage pour elle endurer peine, que de nulle autre avoir tout mon désir.

A autrui don alegratge,

Et a mi pen' e turmen.

P. Raimond de Toulouse: Atressi cum.

A autrui elle donne allégresse, et à moi peine et tourment.

Qu' ella li disses quals penas avia, que li faria tantas messas dire..., que la trairia d' aquellas penas. V. de Guillaume de la Tour. 

Qu'elle lui dît quelles peines elle avait, qu'il lui ferait dire tant de messes... qu'il la tirerait de ces peines.

Loc. Ab bel semblan m'a mes en mortal pena.

R. Vidal: S' eu fos en. 

Avec beau semblant elle m' a mis en mortelle peine. 

Adv. comp. En peccat ai tant dormitz,

Qu' a pena vei la clara lutz 

Qu' el tieu sant esperitz m' adutz. 

Folquet de Marseille: Senher Dieus. 

Dans le péché j'ai tant dormi qu'à peine je vois la claire lumière que le tien saint esprit m'apporte.

A penas sai dir oc ni no.

Pons de Capdueil: S'anc fis. 

A peine je sais dire oui et non.

Voyez Enfan.

- Châtiment.

Amandar sus bona pena. Statuts de Provence. Massa, p. 180. 

Amender sur bonne peine.

CAT. ESP. PORT. IT. Pena. (chap. Pena, penes. Apenes.)

2. Penaire, s. m., expiateur.

Dels tieus tortz fo penaire,

E sofri mort e turmen.

P. Cardinal: Jhesum Crist. 

Des tiens torts il fut expiateur, et souffrit mort et tourment.

(chap. Expiadó, expiadós, expiadora, expiadores; patidó, patidós, patidora, patidores.)

3. Penable, adj., pénible, fatiguant, tourmentant.

Voill sapchaz qu' eu soi el diable 

Lo plus cruel e 'l plus penable.

T. de Hugues de Mataplane et de Blacasset: En Blacasset.

Je veux que vous sachiez que je suis le diable le plus cruel et le plus tourmentant. 

ANC. FR. En bataille très pénable. Eustache Deschamps, p. 157.

4. Penalitat, s. f., peine, douleur, pénalité.

Per que efante ab mendre dificultat et penalitat.

Loc... de penalitat, de miseria.

Eluc. de las propr., fol. 70 et 106. 

Pour qu'elle enfante avec moindre difficulté et douleur.

Lieu... de pénalité, de misère.

CAT. Penalitat. ESP. Penalidad. PORT. Penalidade. IT. Penalità, penalitate, penalitade. (chap. Penalidat, penalidats.)

5. Penos, adj., pénible, douloureux.

Mort agra et penoza. Eluc. de las propr., fol. 67. 

Mort aigre et pénible.

CAT. Penós. ESP. PORT. IT. Penoso. 

(chap. Penós, penosos, penosa, penoses.)

6. Penozament, adv., péniblement.

Aygla... penozament coa, pullifica et noyrish.

Eluc. de las propr., fol. 140. 

L' aigle... péniblement couve, fait éclore et nourrit.

CAT. Penosament. ESP. PORT. IT. Penosamente.

(chap. Penosamen : en pena, en dificultat, de forma penosa.)

7. Penar, v., peiner, tourmenter, affliger, punir.

Lo san prenon per lo penar. Planch de S. Estève. 

Prennent le saint pour le tourmenter. 

Plus fort... a penar lo jorn del juizi. Trad. de Bède, fol. 67.

Plus fortement... à peiner le jour du jugement.

Non era neguna gran domna... que no desires et no se penes que el entendes en ella. V. de Raimond de Miraval. 

Il n'était nulle grande dame... qui ne désirât et ne se tourmentât pour qu'il s' affectionnât à elle.

- Se roidir.

Trop es de greu occasio

Qui pena contra l' agulho.

Lays d'amors, fol. 138.

Est de fort pénible difficulté qui se roidit contre l'aiguillon.

- Porter, souffrir la peine.

Pus qu' a Dieus son vot non tenes...,

Dreit es qu' a la mort o penes.

P. Cardinal: Jhesum Crist. 

Puisque vous ne tenez pas son voeu à Dieu..., il est juste qu'à la mort vous en portiez la peine.

ANC. FR. Et vos commandemens ferai

Moult volentiers m'en penerai.

Roman de Mahomet, v. 1209.

CAT. ESP. PORT. Penar. IT. Penare. 

(chap. Pená: peno, penes, pene, penem o penam, penéu o penáu, penen; penat, penats, penada, penades.)

8. Pentir, v., lat. poenitere, repentir, être repentant.

S' en breu no l' en sap far pentir.

B. de Ventadour: En aquest.

Si en peu elle ne sait l'en faire repentir.

E 'ls fay pentir de lurs peccats. V. de S. Honorat. 

Et les fait repentir de leurs péchés. 

S' en poiria ben pentir. 

T. de Guillem et de Sordel: En Sordel. 

S'en pourrait bien repentir. 

Ni anc no fo sazons que m'en pentis. 

La Dame Tiberge: Bels dous amics. 

Ni oncques ne fut saison que je m'en repentisse. 

Part. prés. Pentens e vergonhos. V. de S. Honorat. 

Repentant et honteux.

IT. Pentire, pentere. (ESP. Arrepentir, arrepentirse. Chap. Arrepentí, arrepentís: yo me arrepentixco o arrepentixgo, arrepentixes, arrepentix, arrepentim, arrepentiu, arrepentixen; arrepentit, arrepentits, arrepentida, arrepentides.)

9. Pentiment, s. m., repentir.

Agron mot gran dolor e pentiment mot gran.

Am mot gran pentiment confession a presa. 

V. de S. Honorat.

Eurent moult grande douleur et repentir moult grand.

Avec moult grand repentir il a pris confession.

IT. Pentimento. 

(ESP. Arrepentimiento. Chap. Arrepentimén, arrepentimens.)

10. Pentenza, s. f., repentance.

Li fraire de Llerins agron mot gran pentenza. V. de S. Honorat.

Les frères de Lérins eurent moult grande repentance.

11. Penitencia, Penedensa, s. f., lat. poenitentia, pénitence, peine, punition, châtiment.

Qui vi ancmais penedensa

Faire denan lo peccat?

B. de Ventadour: Lo temps vai. 

Qui vit oncques plus pénitence faire avant le péché? 

Loc. Ieu port penedensa 

Dels autruy peccatz.

P. Cardinal: Selh jorn. 

Je porte pénitence des péchés d'autrui. 

Loc. fig. Si manjatz del frug de penedensa,

Finiretz be lo bon comensamen.

G. Figueiras: Totz hom que. 

Si vous mangez du fruit de pénitence, vous finirez bien le bon commencement.

- L'un des sept sacrements.

Lo san sagramen de confessio e de penitencia. V. et Vert., fol. 5. 

Le saint sacrement de confession et de pénitence.

- Peine imposée par le prêtre, après la confession.

Confessada l' a …,

Penedensa li a donat.

V. de S. Honorat. 

Il l'a confessée..., pénitence lui a donné.

Prov. Segon lo peccat, penedensa. V. et Vert., fol. 68. 

Selon le péché, pénitence.

Soven apres mort, penedensa.

Amanieu des Escas: Dona per cui.

Souvent après mort, pénitence.

ANC. CAT. Penedenza. CAT. MOD. ESP. PORT. Penitencia. IT. Penitenzia, penitenza. (chap. Penitensia, penitensies.)

12. Penitencial, adj., pénitentiel, de la pénitence.

L' evesque respos aital 

Am senhal penitencial.

Brev. d'amor, fol. 183. 

L'évêque répondit ainsi avec signe pénitentiel.

Los VII psalmes penitencials.

Cat. dels apost. de Roma, fol. 140. 

Les sept psaumes pénitentiaux.

CAT. ESP. PORT. Penitencial. IT. Penitenziale. 

(chap. Penitensial, penitensials.)

13. Penizos, s. f., pénitence, repentir. 

Es peccatz, e d' avol penizos.

Aimeri de Peguilain: A vos amors. 

Est péché, et de mauvaise pénitence.

14. Penedir, Penedre, v., du lat. poenitere, expier, repentir.

Pel messonja penedir.

Gaubert, moine de Puicibot: Be s cuget.

Pour la menterie expier.

Adoncx no s poirian cofessar

Ni penedre.

Re no valria 

Qu' om dels mals fagh se penedes.

Brev. d'amor, fol. 113 et 109. 

Alors ils ne se pourraient confesser ni repentir. 

Rien ne vaudrait que des méfaits on se repentît. 

Subst. Quar lo penedres re no val. Brev. d'amor, fol. 113.

Car le repentir rien ne vaut.

Part. prés. Selhs qu' estan cofes e peneden.

Raimond de Castelnau: Mon sirventes.

Ceux qui sont confés et pénitents. 

Ben lo troba peneden. Brev. d'amor, fol. 116.

Le trouve bien repentant.

Subst. Quar pot esser qu'el penedens 

No s penet ben perfiechamens. Brev. d'amor, fol. 116.

Car il peut être que le pénitent ne se repentit pas bien parfaitement.

Part. pas. Tres jorns an penedit lurs mals denant l'autar. 

V. de S. Honorat. 

Trois jours ont expié leurs maux devant l'autel.

- Absoudre.

Si son confessatz e peneditz de lurs peccatz.

Lett. de Preste Jean à Frédéric, p. 15.

S'ils sont confessés et absous de leurs péchés.

CAT. Penedir.

15. Penedemen, s. m., repentance, repentir.

Lo qual penedemen 

Dieus non te per sufficien.

Brev. d'amor, fol. 117. 

Lequel repentir Dieu ne tient pour suffisant.

ANC. CAT. Penediment.

16. Penedencier, Penedensier, s. m., lat. poenitenciarius, pénitencier, pénitent, pélerin.

Anc nuls amants ni nuls penedensiers

N' an trais lo mal ni la dolor ni l' ars

Qu' ieu ai sufert plus de cinc ans entiers.

Aimeri de Belmont: Ja n' er credutz.

Oncques nul amant ni nul pénitent n'ont enduré le mal et la douleur et l'ardeur que j'ai soufferts plus de cinq ans entiers.

Vai coma penedenciers 

Paupres de draps e de deniers.

Raimond de Durfort: Turmalet (Turcmalet).

Va comme pélerin pauvre de vêtements et de deniers.

CAT. Penitencier. ANC. ESP. Penitenciero. PORT. Penitencieiro. 

(chap. Penitén, penitens, penitenta, penitentes; penitensiari, penitensiaris : cárrec de la iglesia.)

IT. Penitenziere.

17. Penedensar, v., punir, châtier, faire faire pénitence.

El los penedensava. Brev. d'amor, fol. 151. 

Il les châtiait.

- Se repentir.

Part. pas. Penedensatz vos n' etz com hom pechaire.

Guillaume de Berguedan: Reis s' anc. 

Vous vous en êtes repenti comme homme pécheur.

- Absoudre, acquitter.

C' ab lor se combata, es totz penedensatz. Guillaume de Tudela.

Qu'avec eux il combatte, il est tout absous.

L' arma penedensada, 

E de sos pecas confessada.

Dialogue de l'âme et du corps. 

L'âme absoute, et de ses péchés confessée.

CAT. ESP. PORT. Penitenciar. IT. Penitenziare. 

(chap. Penitensiá: castigá, obligá a fé penitensia.)

18. Empentir, v., repentir, affliger. 

Part. pas. No fo pas empentida dels plazers ni de las amors qu' ill l' avia mandadas. V. de R. Jordan, vicomte de Saint-Antonin. Var. 

Ne fut pas affligée des plaisirs ni des amours qu'elle lui avait mandés.

19. Repentir, v., expier, se repentir, faire pénitence.

Ancmays non aye coratge ni talen

De repentir.

Pons de la Garde: D' un sirventes. 

Oncques plus je n'eus courage ni volonté de faire pénitence.

Perdonet Longi que s repentia.

Pons de Capdueil: Er nos sia. 

Pardonna à Longin qui se repentait. 

Mas cant alcun temps ac estat

En l' islla de Sant Honorat,

Repenti si. V. de S. Honorat.

Mais quand aucun temps il eut demeuré dans l'île de Saint-Honorat, il se repentit. 

Substantiv. S'anc Dieus per repentir

Perdonet al peccador. 

Gaubert, moine de Puicibot: Partit.

Si oncques Dieu pour le repentir pardonna au pécheur.

CAT. Arrepentir. ANC. ESP. Repentir (MOD. Arrepentir, arrepentirse.) 

IT. Ripentire, repentere. (chap. Arrepentís.)

Voyez Conselh.

20. Repentia, s. f., repentance, repentir.

Pueis venc tart la repentia.

Folquet de Romans: Domna eu. 

Puis vint tard la repentance.

21. Repentensa, s. f., repentance.

Bon senhal de bona repentansa (repentensa).

Cat. dels apost. de Roma, fol. 177. 

Bon signe de bonne repentance.

IT. Ripentenza.

22. Repentimen, s. m., repentir, repentance.

Per repentimen de tos peccatz. 

Veraya cofessio, es repentimen de cor. 

V. et Vert., fol. 8 et 13. 

Par repentir de tes péchés.

Vraie confession, c'est repentir de coeur.

ANC. FR. Temps, voy ton cuer, vien à repentement. 

Eustache Deschamps, p. 6.

IT. Ripentimento. (chap. Repentimén, repentimens; arrepentimén.)

23. Repentizon, s. f., repentir, repentance.

Tan mi vauc conortan,

Quar repentizon ai gran.

B. Zorgi: Jhesu Crist.

Tant je vais me consolant, parce que j'ai grande repentance.

ANC. FR. Jà trovons-nos en l'Escriture

Que Diex est plus liez d'un félon,

Quant il vient à repentison,

Que de justes nonante-neuf.

Roman du Renart, t. II, p. 135.

24. Repenedre, v., repentir.

Don voluntier se penedrian

Si repenedre se podian.

Los VII Gaugs de la Mayre. 

Dont volontiers ils feraient pénitence s'ils pouvaient se repentir. 

CAT. Repenedir.

Pena, s. f., lat. penna, penne, plume de l'aile.

Apres so venon li cotel, 

So son las penas en ausel.

Deudes de Prades, Auz. cass.

Après cela viennent les couteaux, ce sont les pennes en oiseau.

ANC. FR. De pennes l' aveit fait si bel

Qe n' aveit fait nul autre oisel.

Marie de France, t. II, p. 218.

- Plume qui sert à écrire.

Tan non escrius ab grafi ni ab pena.

Serveri de Girone: Qui bon frug.

Tant tu n' écris avec style ni avec plume.

ANC. FR. Nous ne poons souzescrire ne seignier la présente chartre, pour la penne qui tremble en nostre main pour la maladie.

Chr. de Fr., Rec. des Hist. de Fr., t. III, p. 299.

PORT. IT. Penna. (chap. Ploma, plomes; Rat penat, rata penada : rata en plomes : murciélago. ESP. Pluma.)

2. Peneta, s. f. dim., petite penne, petite plumes.

Li pinho son las tres penetas 

Que nos apelam espazetas.

Deudes de Prades, Auz. cass.

Les pinons sont les trois petites pennes que nous appelons petites épées.

IT. Pennetta. (chap. Plometa, plometes. ESP. Plumita, plumilla.)

3. Pennozitat, s. f., pennosité, plumage, abondance de plumes.

Los auzels qui han plus de pennozitat et mens de carnozitat.

Eluc. de las propr., fol. 139.

Les oiseaux qui ont plus de pennosité et moins de carnosité.

(chap. Plomache, plumaje.)

4. Pennat, adj., lat. pennatus, empenné, emplumé.

Ab les pes pennatz et ab cara efantil. Eluc. de las propr., fol. 116.

Avec les pieds empennés et avec visage enfantin.

Un' alauzeta be pennada.

Deudes de Prades, Auz. cass.

Une alouette bien emplumée.

Voyez Sorits et Rata. 

IT. Pennato.

(N. E. En rumano aún se usa penat para emplumado, con plumas.)

5. Pinho, s. m., pinon, petite penne.

Li pinho son las tres penetas 

Que nos apelam espazetas. 

Pinhos serratz et alas be, 

Que defors non parescon re.

Deudes de Prades, Auz. cass. 

Les pinons sont les trois petites pennes que nous appelons petites épées.

Pinons et ailes bien serrés, de sorte que dehors ils ne paraissent point.

6. Empennar, v., empenner, emplumer.

Part. pas. Cant la upa es mal enpennada. Naturas d'alcus auzels.

Quand la huppe est mal emplumée.

Trazon ab arbalestas los cairels empenatz. Guillaume de Tudela.

Tirent avec arbalètes les dards empennés.

ANC. FR. Il porte, comme oiseau, le dos empenné d'ailes. 

Robert Garnier, Hippolyte, acte II, sc. 1. 

Mortellement atteint d'une flèche empennée.

La Fontaine, Fables.

PORT. Empennar. IT. Impennare.

(ESP. Emplumar. Chap. Emplomá, emplumá.)