Mostrando entradas con la etiqueta Guillem de la Tor. Mostrar todas las entradas
Mostrando entradas con la etiqueta Guillem de la Tor. Mostrar todas las entradas

sábado, 24 de octubre de 2026

Guillem de la Tor. Una, doas, tres e quatre,

Guillem de la Tor.

Guillems de la Tor. Qui sap sufrent esperar


Una, doas, tres e quatre,
cinc e seis e set e ueich
m'avenc l'autrer a combatre
ab m'osta tota una nueich;
e si m trobes fol ni mal dueich,
fe que dei a Deu, bel fratre,
ben fora toz mos pans cueich,
si me volgues esbatre.
E non vos cuides, bel' osta,
quet eu mais ogan chai torn,
cant per la vostra somosta
non puoc meilz estar un jorn;
qu'anz m'anes l'autrer tant entorn
tant que me chalfes la costa;
anc non cugei vezer jorn,
tant me fo mal en posta.
N'osta, vos non es ges lota,
ben o conoc al montar;
si no m tengues a la cota,
ja non pogra sus estar;
tant haut me fazias levar
con s'eu fos una pelota.
Toz tems fai mal cavalcar
...

martes, 6 de octubre de 2026

35. Guglielmo de la Tor. La treva. Pos n'Aimerics a fait far mesclança e batailla

35. Guglielmo de la Tor. *

Secondo il testo edito dal Suchier (Denk. I, 323).

Guilhem de la Tor, Guglielmo de la Tor, la treva



La treva.

Pos n'Aimerics a fait far mesclança e batailla 
de na Salvaga, on prez es e valors senz failla, 
e de na Biatrisz sa seror ques trabailla
de tot ço mantener c'a fina valor vailla, 
eu vueill far venir tals que partan lor barailla 
a treva, que non voill del tot la definailla.
Na Biatriz i ven d' Est cui fins prez capdella, 
del marqueset d'Est moiller, on valors renovella,
e de Ravenna i ven n' Esmilla cui apella
fis prez, e de Magon na Biatriz la bella,
e n'Alazaiz sa sor qui sap ja la novella,     (Azalaïs, Azalais)
e de Bresaina i ven madompna n'Adonella.
E de Soraigna i ven na Sandra la cortesa 
e na Berta en cui es beutaz e valors mesa; 
na Mabillia i ven qu' es de totz bes apresa. 
pueis i ven n'Agnes d'Arc on nuilz mals non adesa 
e de Casalot ven na Sufia c'an presa 
jois e prez e valors a lor part e conquesa. 
E de Ponçon i ven n' Esmilla la prezada,
de Cantacabra i ven la bella e l'ensegnada, 
na Caracosa, qu' es per los valens amada.
e de Sarzan i ven n'Aiglina la lauzada, 
e cellas de Plozacs cui jois e prez agrada 
venon a esperon a la treva nomnada.
De Luna eissamen i venon senz faillida 
las dompnas cui jovenz ni valors non oblida; 
e de Casellas pueis venon ses far gandida
las dompnas c'an fin prez ab proesa conplida. 
e de Romaigna i venon las dompnas cui jois guida 
e de Castel i ven na Bruna la grazida.
E del Carret i ven na Comtensos qui zenza
chascuns jorns en fin prez ez en fina valenza. 
e de Coissan i ven n'Averz c'a s'entendenza 
en mantener honor e fina conoissenza. 
aquestas qu'eu ai dit totas ses retenenza, 
venon las trevas far, qu'en aissi lor agenza. 
Aras vos dic que son vengudas ses doptanza
las dompnas e si fan enaisi l'acordanza, 
qu'en las doas serors non aian mais erranza, 
e que la terva dur ses far nulla mesclanza; (terva : treva : tregua)
e s'om de l'una di neguna ren d'onranza, 
que l'autra s' i acort e que n'ai' alegranza. 
Ez enaissi sera la lor trev' alegranza 
e plaira ben als pros lo plaiz e l'acordanza.

* Dalla Biografia, secondo il testo edito dallo Chabaneau (op. cit. p. 104): Guillem de la Tor si fon joglars e fon de Peiregorc, d'un castel qu' om ditz la Tor. e venc en Lombardia; e sabia cansos assatz e s'entendia e chantava ben e gen, e trobava; mas quan volia dire sas cansos, el fazia plus lonc sermon de la razon que non era la cansos. e tolc moiller a Milan... e la menet a Com...