35. Guglielmo de la Tor. La treva. Pos n'Aimerics a fait far mesclança e batailla

35. Guglielmo de la Tor. *

Secondo il testo edito dal Suchier (Denk. I, 323).

La treva.

Pos n'Aimerics a fait far mesclança e batailla 

de na Salvaga, on prez es e valors senz failla, 

e de na Biatrisz sa seror ques trabailla

de tot ço mantener c'a fina valor vailla, 

eu vueill far venir tals que partan lor barailla 

a treva, que non voill del tot la definailla.

Na Biatriz i ven d' Est cui fins prez capdella, 

del marqueset d'Est moiller, on valors renovella,

e de Ravenna i ven n' Esmilla cui apella

fis prez, e de Magon na Biatriz la bella,

e n'Alazaiz sa sor qui sap ja la novella,     (Azalaïs, Azalais)

e de Bresaina i ven madompna n'Adonella.

E de Soraigna i ven na Sandra la cortesa 

e na Berta en cui es beutaz e valors mesa; 

na Mabillia i ven qu' es de totz bes apresa. 

pueis i ven n'Agnes d'Arc on nuilz mals non adesa 

e de Casalot ven na Sufia c'an presa 

jois e prez e valors a lor part e conquesa. 

E de Ponçon i ven n' Esmilla la prezada,

de Cantacabra i ven la bella e l'ensegnada, 

na Caracosa, qu' es per los valens amada.

e de Sarzan i ven n'Aiglina la lauzada, 

e cellas de Plozacs cui jois e prez agrada 

venon a esperon a la treva nomnada.

De Luna eissamen i venon senz faillida 

las dompnas cui jovenz ni valors non oblida; 

e de Casellas pueis venon ses far gandida

las dompnas c'an fin prez ab proesa conplida. 

e de Romaigna i venon las dompnas cui jois guida 

e de Castel i ven na Bruna la grazida.

E del Carret i ven na Comtensos qui zenza

chascuns jorns en fin prez ez en fina valenza. 

e de Coissan i ven n'Averz c'a s'entendenza 

en mantener honor e fina conoissenza. 

aquestas qu'eu ai dit totas ses retenenza, 

venon las trevas far, qu'en aissi lor agenza. 

Aras vos dic que son vengudas ses doptanza

las dompnas e si fan enaisi l'acordanza, 

qu'en las doas serors non aian mais erranza, 

e que la terva dur ses far nulla mesclanza; (terva : treva : tregua)

e s'om de l'una di neguna ren d'onranza, 

que l'autra s' i acort e que n'ai' alegranza. 

Ez enaissi sera la lor trev' alegranza 

e plaira ben als pros lo plaiz e l'acordanza.

* Dalla Biografia, secondo il testo edito dallo Chabaneau (op. cit. p. 104): Guillem de la Tor si fon joglars e fon de Peiregorc, d'un castel qu' om ditz la Tor. e venc en Lombardia; e sabia cansos assatz e s'entendia e chantava ben e gen, e trobava; mas quan volia dire sas cansos, el fazia plus lonc sermon de la razon que non era la cansos. e tolc moiller a Milan... e la menet a Com...

31.Alberto di Sisteron e Amerigo di Peguilhan. Albert, chauzetz al vostre sen

31. Alberto di Sisteron e Amerigo di Peguilhan.

Secondo la lezione di E con le varianti di I.

Albert, chauzetz al vostre sen

d'un amic qu'enquer per amor

doas donas d'una valor,

e l'una ama lui el consen 

lo plus, ab que de l'autras lais

que l'amal doble meils e mais; 

et aquela no l'ama nil denha. 

diguatz, ab cal l'es meils ques tenha? 

N'Aimeric, pauc ha d'essien

qui no sap triar lo meillor,

a guiza de fin amador;

amarai celei coralmen

de cui anc mon cor no s'estrais;

e vos veill c'ametz en biais,

qu' ieu non ai cor que fals guizardon prenha, 

ans vueill servir tan quel ricx jois avenha.

N'Albertet, ben sai, conoisen

tencan eill bon entendedor

vostra razo per sordeior:

ab miei amor sai qu'es plus gen 

c'om ja se baisant sia gais,

c'ab totas sospir e pantais;

mais pres lo frug on ab las mas atenha, 

que sel qu'es aut on lansar me covenha. 

N'Aimeric, ges no m'es parven

queus entendatz en grant honor, 

e non s'eschai a preguador 

c'aisi s'an camjan ni volven, 

ans deu esser fis e verais

e no vueill c'aital frug m'engrais,

mais vueill esser tostems plus secx que lenha, 

que mange frug de que talans nom venha. 

N'Albertet, quar son cominalmen

d'engual beutat e de lauzor,

faitz a lei de bon partidor,

quels mals vos lais els bes ieu pren; 

c'al ben tanh com s'afranh es bais, 

e fujal mal a grans eslais;

c'ans que s'arda trop s'escomprenha, 

deu hom gardar del fuec ab que l'estenha. 

N'Aimeric, li galiamen

que fan li fals eill trichador, 

aun tornat dompnei en error, 

et a vos non es davinen

queus dejas cargar d'aital fais

c'anc fis amicx si dons no trais;

et ieu soi sel cui fin amors ensenha 

que leialmen ves ma donam captenha. 

N'Albertet, quar es de beutat rais

na Beatritz d'Est, on pretz nais; 

vueill d'aquest plait jutge so ques covenha, 

mas ieu cre be que ma razo mantenha. 

N'Aimeric, a n'Emila lais

de Ravemia, c'ades val mais

en tot bon fait c'a pros dona covenha, 

lo jutgamen e c'ab lo dreg s' en tenha.

(N. E. Páginas 83-84. Consultar si alguien quiere ver los números o variantes. Yo paso.)

 

N'Albertetz chausetz enquier domnas eill cosen meillz nol vol amar - deingna digatz a. c. d'ambas - mielz q. teingna. N'Aimerics p. - ensien non guissa voill amar cell. mos voill came em eu - preingna anz voill - c'al ric joi aveingna N'Albertz - quel conoissen tendran el b. rason c'ab mei com baizan iazen s. mans ateingna c'aisel qu'es autz - mi coveingna N'Aimerics gran pregardor  c'aissi anz e non voill c'aitals frug me atrais mas voill e. tot t. secs p. q. leingna manje - talanz - veingna N'Albertez quan s. comun. d'engal beutatz - lausor fas las els bens en p. qu'al bes taing - s'afraing - ls mals a grant qu'anz - ni qur trop s'esconpreingna deu g. del foc - esteingna N'Aimerics omette eill an t. domnei dejatz - de tal qu'a. f. amics si donz non et vos m. eu sui -

enseingna q. lialm. - domnam capteingna N'Albertz car Biatritz voill d'a. plag juge - coveingna eu - rason manteingna N'Aimerics - Emilla Ravena e. totz bons faitz c'a pro domna conveingna jujamen - teingna