Johan Esteve, Bezers, pastorella 1, 2 + retroencha + vaquiera

Johan Esteve, de Bezers.

7226.

Pastorella que fes J. Esteve, en l'an 1275.

L'autrier él gai temps de pascor

Quant auzi'ls auzeletz cantar,

Per gaug que m ven de la verdor

M'en issi totz sols delechar;

Et en un pradet culhen flor

Encontrei pastora ses par,

Cuend' e plazen,

Mot covinen,

Anhels seguen.

La flor culhen

Dizia

Qu'anc dia

De far amic non ac talen,

Quar via

S'en cria

Don malvestatz pren naissemen.

Saludiei la, quar à gensor

No cre qu'om vis anhels gardar;

Et elha mi, don ac pavor

Quar no m vi tro m'auzi parlar;

E dis: senher, no m'a sabor

Qu'aiatz aissi faitz vostr' anar.

Pecx etz de sen

Non per coven.

A dieu me ren,

Qu'anatz queren?

Parria

Qu'espia

Fossetz de qualque folla gen,

Ous guia

Falsia

Del fals plazer qu'amors desmen.

Greu pot hom jutjar per semblan, 

Toza, fi m'ieu, senes falhir; 

Quar mant bo ten hom per truan 

E mant malvat vei mout grazir. 

Per queus prec que d'aissi enan

Vulhatz ans que parletz auzir:

Que ieu non so

Sers d'ochaizo;

Mas sius sap bo

M'amor vos do.

Trobada

Pus fada

Vos agr'ops, senher, acsetz: no

M'agrada.

L'estrada

Seguetz, anatz, faitz vostre pro.

Toza, fi m'ieu, ans que m'en an

Vos farai lo dous joc sentir,

Qu'entre amiga et aman

Se fai, mar ges nous vuelh aunir.

Tan me platz vostra beutat gran,

Qu'estiers de vos no m vuelh partir

Qui m mou tenso

D'aital razo

No sap qui m so,

Senher, ni co

Irada,

Torbada

M'en fetz l'autrier un folh cusso.

Mainada

Blasmada

No vuelh é mi aia parsso.

Toza cuenhta, tal que m vejatz

Beus valrai ieu mais que pus belh, 

Que d'aver sui rics e bastatz

E far vos n'ai part cors irnelh.

Per queus prec que m'amor vulhatz,

E fassam lo dous joc novelh

Ins él jardi,

Lai sotz selh pi;

Que mais ses fi

Valretz per mi.

Ma pensa

No s gensa,

Senher, al vostre pro; quar si

Entensa

Ges tensa

Acsetz, tengratz vostre cami.

Na toza, si vos sabiatz

Can gent vas amor mi capdelh,

Cre que de las flors que portatz

M'en fessetz leumen un capelh.

Mantenen menan gran solatz

Intrem no'n sotz un arborelh.

Don s'esjauzi,

Quar son pretz fi

Non l'esvazi;

E dis aissi:

M'agensa

Que m vensa,

Senher, vostr' amor ses tot si.

Plazensa,

Parvensa

M'avetz. Ab aitan fezem fi.

Suffrensa,

Valensa

A'n Guillem de Lodev' ab si,

Qu' ofensa

No s pensa

Mar al Belh-rai qu'am mais de mi.

7226.

Retroencha que fes J. Esteve, 1281.

Si m vai be ques ieu non envei

D'est mon autra benanansa.

Ricor de comte ni de rei

No cre m des tan d'alegransa

Quo fai la gensor,

Qu'es de beutat flor

A tria;

Que ieu ai s'amor

Et ill ass' onor,

L'amia.

Ben dei cantar gaiamen,

Pus ai tan gai jauzimen.

Quar am lieis enaissi que mei

Et ilh me d'aital semblansa;

Et em d'un cor e d'una lei.

Non es grans meravelhansa

S'ieu ne fas lauzor,

Quar non sai melhor

Ni s lia

Él mon bellazor.

E qu'ieu amador

Sieus sia;

Ben dei, etc.

La bella à cui eu soplei

Me dobla la benanansa

En que m ten, quar sa beutat vei

Que non a par ni engansa:

Qu'ab sa resplandor

Tud' autra clardor,

Quo'l dia

L'estela d'albor.

Per que m'a sabor

Qu'ieu dia:

Ben dei, etc.

Franquez'e bontat a ab sei 

La gaia res ses duptansa;

Que platz li que m'en esbaudei, 

Quar sap qu'enantisc s'onransa: 

Per que m'avigor

Gais jois, qui qu'en plor

O'n ria.

Doncx pus chantador

M'a fach ses clamor

M'amia,

Ben dei, etc.

Ieu chan gaiamen quo far dei,

Quar gaia domna m'enansa

Ab gai cors, à cui platz domnei

Quant honor noi pren mermansa.

Mai m'es que seror,

Quar ilh me secor

De guia

Qu'ieu no m sent dolor,

Mas jois ses error

Que m guia.

Ben dei, etc.

Guillem a valor

De Lodev' e cortezia;

E'l Belh-rai franquor

Qu'ieu gais per s'amor

Estia

Ben dei cantar gaiamen,

Pus ai tan gai jauzimen.

7226.

La 2.a pastorella, l'an 1283.

Él dous temps quan la flor s'espan

Sus él verjan ab la verdor, 

M'anava totz sols delechan,

Del joi pessan que m ven d'amor.

En un deves anhels garan

Ieu vi denan ab un pastor

Gaia pastorella,

Covinent e bella,

Que vesti gonella

D'un drap vetat belh,

E'l pastorelh.

Pres d'elh me mis en loc rescos,

Que nulh d'amdos no m posc vezer, 

E'l pastora moc sas razos 

Com gai'e pros; e dis: per ver,

Gui, mon paire m vol dar espos 

Vielh, raïnos, e ric d'aver. 

Mal' er la chauzida, 

Dis Gui, sius marida, 

Na Flors, eus oblida 

Selh que per marit 

Avetz chauzit.

En Gui, mos cors vos es volvens

Quar paupramens vos vei estar.

Na Flors, paupre jov' es manens,

Quan viu jauzens, pus ses duptar

Que'l vielh ric qu'es tot l'an dolens;

Qu'aur ni argens no l pot joi dar.

En Gui, que queus aia

Dig, amor veraia

Vos port, nous desplaia;

Que fin cor verai,

Amics, vos ai.

Del loc don los agui scotatz

Vengui empatz tro elhs ses brui,

Baizan los trobiei abrassatz,

D'amor nafratz, joi entr' amdui.

Saludiei los, mas ver sapchatz

Que saludatz per elhs no fui;

E'l pastora blonda

Dis non jauzionda:

Senher, dieus cofonda

Qui joc jauzion

Tolh al belh blon.

Na Flors, per queus desplatz de mi 

Mas quez à'n Gui quar aissi so? 

Senher, vos nostres noms cossi 

Sabetz aissi? Ans me sap bo. 

Na Flors, tan pres era d'aissi 

Que'ls noms auzi e la tenso 

Senher, noi fo facha

Folor ni atracha. 

Toza, qui s'en gacha 

De ben fai atrag 

Qu'a tostemps fag.

Ma razo retracha,

Ses tota empacha

Parti m de lur pacha;

Non lur fi empag;

Pus ni retrag.

En Guillem a facha

De Lodeva gacha

De valor antracha,

Per qu'ieu s'onor gach,

Bel-rai, be fach.

7226.

Vaquiera que fes J. Esteve, 1288.

Ogan ab freg que fazia

En la chalenda d'abril,

D'Olargue pel boi venia

Sols cavalgan tost e vil;

E vi de pres d'un cortil

Vaquiera,

Ab una vaca sotil

Et ab so vedelh

Que gardava;

Et orava

Mout devotamens,

E baissava

E levava

Co fai contenens.

Ves lieis tengui dreg, l'estrada

Laissiei e mon dreg cami.

Quan me vi'l gen faissonada

Venir, s'orazo feni,

Saludiei l ez elha mi,

La genta,

E m senhet e m benezi

Co si mort me vis. 

Toza cara

Queus fai ara 

Si me benezir?

Senher, car a

Vostra cara 

Semblan de murir.

Toza, vos qu'etz plazenteira

No m digatz mon desplazer,

Qu'ieus port amor vertadeira:

Siatz ab me d'un voler. 

En dieu aiatz vostr' esper, 

Que vida,

Senher, nous conosc per ver: 

Membreus de la mort. 

Toza, gaire,

Per mon paire,

Vos no m conortatz.

Senher fraire,

A mal aire

Us vei, de que m desplatz.

Vos m'en guerretz leu, na toza,

Si m'autrejatz vostr' amor.

Senher, de dieu sui espoza,

Qu'ieu no vuelh autre senhor.

Toz' an vos facha menor

Bechina?

Senher, pel rei qu'ieu azor,

Non; mais per mon cor

Vuelh servire,

Tro fenire,

Aquelh que per nos

Volc sufrire,

Ab martire,

Greu mort en la cros.

Quar servir dieu vos agensa,

Toza, n'ai gran alegrier. 

Senher, mortz me fai temensa, 

Q'uei non es vius quiu fo ier; 

Q'us no sap jorn vertadier

Ni hora;

E pert lo dous gaug entier

Qui mor en peccat.

Toza gaia,

A dieu plaia,

Si co'l mon soste,

Que savaia

Mortz nos traia:

E viriei mon fre.

Con que vaia,

Guillem, gaia,

De Lodev' ab se

Pretz qu'esmaia

Gen savaia

E'ls valens mante.

Mombelh, raia

Ta veraia

Beutatz, qu'om no cre,

Sol que l'aia

Vista, n'aia

Tan lunh autra re.

19. Amerigo di Peguilhan. Sicum l'albres que per sobrecargar

19. Amerigo di Peguilhan. *

La prima di queste poesie, che chiude la serie delle citate nel De Vulgari Eloquentia é data secondo la lezione di B pubblicata dal Diez (Altromanische Sprachdenkmale, Bonn, Weber, 1846, p. 95) e dal Mahn (Gedichte der Troubadours, n. 344). 

Per la seconda, con la quale si entra nella serie delle poesie relative a cose d'Italia o composte da Italiani, si segue la lezione di D (in Cavedoni, Ricerche storiche intorno ai Trovatori provenzali accolti ed onorati nella corte dei marchesi d'Este nel secolo XIII, Modena, Soliani, 1844, p. 5); 

per la terza e la quarta la lezione pubblicata dal Mahn (Werke der Troubadours, II, 165 e 172); 

per la quinta e la sesta la lezione pubblicata dal Raynouard (Choix, IV, 61; Lexique Roman, I, 433). (Ed. Ramón Guimerá Lorente, Moncho de Beseit.)

Sicum l'albres que per sobrecargar

fraing si mezeis e pert son fruig e se,

ai eu perdut ma bella dompna e me, 

e mos engeins se fraing per sobramar. 

pero sitot me sui apoderatz,

anc jorn non fi mon dan ad escien, 

anceis cuich far tot so que fatz ab sen; 

mas er conosc que trop sobra il foudatz. 

E non es bon c'om sia trop senatz

que a sazos non sega son talen; 

e si noi a de chascun mesclamen, 

non es bona sola l'una meitatz. 

ben esdeven hom per sobresaber

nescis e'n vai maintas vetz follejan; 

per que s'eschai qu'om an en luoc mesclan 

sen ab foldat, quils sap gen retener.

Las, qu'ieu non ai mi mezeis en poder,

anz vau mon dan enqueren e cercan, 

e vuoill trop mais perdre e far mon dan 

ab vos, dompna, c'ab autra conquerer, 

c'ancse cuig far en aquest dan mon pro

e que savis en aquesta follor. 

pero a lei de fol fin amador

m'avetz ades, on pieitz mi faitz, plus bo.

Non sai nuill hoc, per qu'ieu des vostre no;

pero soven tornon mei ris en plor, 

et eu cum fols ai joi de ma dolor

e de ma mort, quand vei vostra faisso. 

col basalencs c'ab joi s'anet aucir, 

quand el miraill se remiret eis vi: 

tot atressi etz vos miraills a mi, 

que m'aucietz, quan vos vei nius remir. (ni us)

E nous en cal, quan mi vezetz morir, (no us)

abanz o faitz de mi tot atressi 

cum de l'enfan c'ab un maraboti 

fai hom del plor sebrar e departir; 

e puois quand es tornatz en alegrier 

et hom l'estrai so queil donet eil tol, (que il; e il)

et el adoncs plora e fai major dol 

dos aitans plus que no fetz de primier.

Tiriaca, jes vostre pretz non col

de meillurar, c'uoi valetz mais que hier. (uoi : lat. hodie : huy : avui)

Za non cuidei quem pogues oblidar 

lo danz c'ai pres d'amics e de segnors; 

mais lo granz danz oblid om pel majors, 

c'aizo es danz que nos pot emendar, 

quel meillor cors del mond el mels apres 

lays m'o; que tuz sabez ben del marques 

d'Est, cals era, no vos cal laudar ges; 

morz es; mas eu no cre q'e negun temps

morisson tan de bon costum esemps.

Qu'el fo savis e conoiscenz, e sap far 

a mesura, tan qu'era sa valors

el plus aut grad pozad e sos prez sors; 

e sostenir que nos pogues baisar 

la saup ab sen; pois fo larcs e cortes, 

humils als bos et als mals d'orgoils ples, 

e bos d'armas, adreichs en totas res, 

e vertadiers a son poder tuz temps, 

quel cor el sen i mes el fait esemps. 

Autre dol hai que m'es greus a durar 

del gai compte Verones, qu'era flors

de grant beutat e de tuz beus colors. 

quil seu bos aips vos volia contar, 

nols poria toz retrair' en un mes; 

ne non es hom que tener se pogues, 

sels audia, que de cor non plangues, 

per zo car mai no falliran null temps

aquest dui dol que son vengut esemps. 

Segner marques, vos fasiaz donar

a tals cui ja dar no fora sabors; 

pois fasiaz al menuz donadors 

creiser lor dons, cant audian parlar

del vostre fait cum era sobremes.

qui fara mai los bels dons nils granz bes? 

ni de cal cort venra tan ric arnes 

cum fazia de la vostra tuz temps, 

car negus tan cum vos non dava esemps? 

Segner marques, que faran li zuglar, 

a cui fezes tanz dons, tantas honors? 

mas un conseill no sai als trobadors: 

laissos morir et anous lais cercar; 

car sai no vei guaire qui de lor pes, 

car vos noi ets nel valenz coms noi es.

pauc nos laisset Deus ves que trop n'a pres,

si laisset tan, qu'el durera toz temps

planz e sospirs e dolors tot esemps. 

Aquel ver Deus que fo et er toz temps, 

los meta amdos en paradis esemps.

Selh que s'irais ni guerrey' ab amor, 

ges que savis no fai al mieu semblan; 

quar de guerra ven tart pro e tost dan, 

e guerra fai mal tornar en pejor;

en guerra trop, per qu'ieu non la volria, 

viutat de mal e de ben carestia;

e fin' amors, sitot mi fai languir,

a tant de joy quem pot leu esjauzir.

Quel plazer so plus que l'enuey d'amor, 

el be quel mal el sojorn que l'afan, 

el gaug quel dol el leu fays quel pezan,

el pro quel dan son plus el ris quel plor.

non dic aissi del tot que mal noi sia,

el mal qu' om n' a val mais que si 'n gueria, 

quar selh qu'ama de cor non vol guerir, 

del mal d'amor, tant es dous per sufrir. 

Enquera truep mais de ben en amor, 

quel vil fai pros el nesci gen parlan, 

e l'escars larc e leyal lo truan, 

el folh savi el pec conoissedor,

e l'orgulhos domesg' e humilia,

e de dos cors fai un, tan gen los lia; 

per qu'om non deu ad amor contradir,

pus tan gen sap comensar e fenir.

S'ieu l'ai servit, pro n' ai cambi d'amor, 

ab que ja plus nom fassa mais aitan;

qu' en mainh locs m'a fag tan aut e tan gen, 

don ja ses lieys no pogr' aver honor, 

e moutas vetz mi gart de vilania, 

que ses amor gardar no m'en sabria; 

e manhs bos motz mi fai pessar e dir, 

que ses amor noi sabria venir.

Bona dona, de vos tenc e d'amor 

sen e saber, cors e cor, motz e chan; 

e s'ieu res fatz que sia benestan, 

devetz n' aver lo grat e la lauzor 

vos e amors, quem datz la mayestria; 

e si ja plus de ben no m'en venia, 

pro n' ai cambi, segon lo mieu albir; 

e si plus fos, be saubral plus grazir. 

Chansos, vai t'en de ma part e d'amor 

al pro al ric al valen al prezan,

a cui servon Tyes et Alaman,

e sopleyo cum bon emperador; 

sobrels majors a una majoria: 

honor e pretz, larguez' e cortezia; 

larcs es de cor, d'amar e de servir, 

valens de fag per ric pretz conquerir.

Bona domna, la genser etz que sia, 

vas vos azor e soplei nueg e dia; 

jamais de vos no me volrai partir, 

qu' en tot lo mon non pogra miels chauzir.

Mantas vetz sui enqueritz

en cort cossi vers no fatz, 

per qu'ieu vuelh si' apelatz 

e sia lurs lo chauzitz: 

chansos o vers aquest chans.

e respon als demandans,

qu' om non troba ni sap devezio,

mas sol lo nom, entre vers e chanso.

Qu'ieu ai motz mascles auzitz

en chansonetas assatz,

e motz femenis pauzatz

en verses bos e grazitz;

e cortz sonetz e cochans

ai ieu auzit en verses mans,

e chansos ai auzidas ab lonc so,

els motz d' amdos d' un gran el chan d'un to.

E s'ieu en sui desmentitz,

qu' aisso no sia vertatz;

no er hom per me blasmatz, 

si per dreg m'o contraditz; 

ans n'er sos sabers plus grans 

entrels bos el mieus mermans, 

si d'aissom pot venser segon razo; 

qu' ieu non ai ges tot lo sen Salamo. 

Quar es de son loc partitz 

domneys, que ja fon prezatz, 

mi sui alques desviatz

d'amor, tan m' estauc marritz! 

qu' entr' amairitz et amans

s'es mes us pales enjans,

qu' enjanan cre l' us l' autre far son pro,

e noi guardon temps ni per que ni quo. 

Qu'ieu vi, ans que fo faiditz,

si fos per amor donatz

us cordos, qu' adreg solatz

n' issia e ricx covitz;

per quem par que dur dos tans

us mes no fazia us ans,

quan renhava domneys ses tracio;

greu es qui ve com es e sap com fo. 

E non es tan relenquitz,

sitot mi sui dezamatz, 

qu' ieu no sia enamoratz

de tal qu' es sima e razitz

de pretz, tan qu'a me es dans;

pus la valors el semblans

son assemblat en tan bella faisso, 

qu' om noi pot neys pessar meliurazo. 

Ai, belh cors cars, gen noiritz,

adregz e ben faissonatz,

so qu' ieus vuelh dir devinatz;

qu' ieu no sui ges tan arditz

qu' eus prec que m'ametz, abans

vos clam merce merceyans.

sufretz qu' ieus am e nous quier autre do, 

e ges d'aquest nom devetz dir de no. 

Vas Malespina vai, chans,

al pro Guillem qu' es prezans, 

qu'elh aprenda de te los motz el so, 

qual ques vuelha per vers o per chanso. 

Na Beatriz d'Est, l' enans

de vos mi platz ques fai grans;

en vos lauzar s' en son pres tug li bo, 

per qu' ieu de vos dauri mon vers chanso.

Era par ben que valors se desfai,

e podetz o conoisser e saber, 

quar selh que plus volia mantener 

solatz, domney, largueza ab cor verai, 

mezura e sen, conoissensa e paria,

humilitat, orguelh ses vilania,

els bons mestiers totz ses menhs e ses mai,

es mortz, Guillems Malespina marques,

que fo miralhs e mayestre dels bes.

De bons mestiers el mon par non li sai,

qu'anc non fon tan larcs, segon mon parer, 

Alixandres de manjar ni d'aver,

qu'elh non dis non quil quis, ni trobet plai;

ni ges d'armas Galvains plus non valia, 

ni non saup tan Yvan de cortezia, 

nis mes Tristans d'amor en tan d'assai; 

hueymais non er chastiatz ni repres 

negus, si falh, pus lo miralhs noy es.

On son eras siei dig plazent e guai 

e siei fag plus poderos de poder

quels autres fagz fazian desvaler? 

oi dieus! cum son escurzit li clar rai 

qu'alumavan Toscana e Lombardia, 

per que quascus anava et venia

ab lo sieu nom, ses dopte e ses esmai! 

qu'aissi saup pretz guizar, tan fon cortes, 

cum l'estela guidet los reys totz tres.

Per cui venran soudadier de luenh sai

nil ric joglar quel venian vezer? 

qu'elh sabia honrar e car tener 

plus que princeps de sai mar ni de lai, 

e manhta gens ses art, ses joglaria, 

per lo sieu don on negus non falhia; 

que manh caval ferran e brun et bai

donava plus soven et autr' arnes

de nulh baron qu'ieu anc vis ni saubes. 

Belhs senher cars, valens, e que farai? 

ni cum puesc sai vius ses vos remaner? 

quem sabiatz tan dir e far plazer 

qu'autre plazers contral vostrem desplai; 

que tals per vos m'onrava e m'aculhia 

que m'er' estrans, cum si vist no m'avia: 

ni ja nulh temps cambi non trobarai 

ni esmenda del dan qu'ai per vos pres, 

ni eu non cre qu'om far la m'en pogues. 

Lo senher qu'es una persona en tres, 

vos valha aissi cum ops ni cochaus es.

Li folh el put el filhol 

creisson trop, e no m'es belh;

el croy joglaret novelh, 

enveyos e mal parlan, 

corron un pauc trop enan, 

e son ja li mordedor

per un de nos, duy de lor, 

e non es qui los n'esquerna. 

Greu es quar hom lor acol, 

e non lor en fai revelh; 

non o dic contra 'n Sordelh, 

qu'el non es d'aital semblan, 

ni nos va ges percassan 

si col cavalier doctor; 

mas quan falhol prestador, 

non pot far V ni VI terna. 

Lo marques part Pinairol, 

que ten Saluz e Revelh, 

no vuelh ges que desclavelh 

de sa cort ni an lunhan 

Persaval, que sap d'enfan

esser mayestre tutor;

ni un autre tuador,

qu'ieu no vuelh dir, de Luzerna.

Aitals los a com los vol

lo marques d'Encantarelh, 

Nicolet, el trufarelh

que venon ab lui e van, 

e non del tot per lor dan, 

bes son trobat d'una color; 

a tals vassals tal senhor; 

dieus lor don vita eterna!

Ar veiretz venir l'estol 

ves Malespina el tropelh, 

donan la carn e la pelh; 

et ades on piegz lor fan 

e menhs de merce lor an; 

trop son li combatedor

e pauc li defendedor;

mortz son si dieus nols governa.

Estampidas e rumor

sai qu'en faran entre lor 

menassan en la taverna.

* Biografia, secondo il testo edito dallo Chabaneau (op. cit. p. 75): 

N'Aimerics de Peguilha si fon de Tolosa, fils d'un borges qu'era mercadiers que tenia draps a vendre. et apres cansos e sirventes, mas molt mal cantava. et enamoret se d'una borgeza sa vezina, & aquela amors li mostret trobar, e si fetz de leis mantas bonas cansos. mas lo maritz se mesclet ab lui e fetz li desonor; e'n Aimericx s'en venget, qu'el lo ferit d'una espaza per la testa, per quel covenc a issir de Tolosa e faidir. et anet s'en en Cataluenha, e 'n Guillems de Berguedan si l'aculhit; & el enanset lui e son trobar, en la primeira chanso qu'el avia faita, tan qu'el li donet son palafre e son vestir: e presentet lo al rei n' Anfos de Castella, quel crec d'aver e d'armas e d'onor. et estet en aquelas encontradas lonc temps; pueis s'en venc en Lombardia, on tug li bon home li feiron gran honor: e lai definet en eretgia, segon c'om ditz.

Versana, Aversana, Vert, Verdet, Viridat, Vergier, Verdier, Vergiera, Verjan, Verdura, Verdor - Reverdezir

Versana, s. f., bas. lat. versana, versane, sorte de mesure de capacité ou 

d'étendue.

La mitat de la versana… et autra versana. Tit. de 1272. Arch. du Roy., J, 4.

La moitié de la versane... et autre versane.

ANC. FR. Distant de l'hostel où il vendoit du vin d'une versane ou environ.

Lett. de rém. de 1411. Carpentier, t. III, col. 1144.

2. Aversana, s. f., versane, sorte de mesure.

D' una aversana de terra. Tit. de 1272. Arch. du Roy., J, 4.

D'une versane de terre.

 

 

Vert, adj., lat. viridis, vert.

Quant erba vertz e fuelha par.

B. de Ventadour: Quant erba.

Quand herbe verte et feuille paraît. 

S' anc det vestirs vertz ni blancs.

Bertrand de Born: Quan vey pels.

Si oncques il donna des vêtirs (vêtements) verts ou blancs.

Fig. Mi ten vert e jauzen joys.

Rambaud d'Orange: Era resplan.

Joie me tient vert et joyeux.

Loc. Esper que so que quist l' ai

Me torn tot mon sen en vert fuelh.

G. Riquier: Tant m' es plazens.

J'espère que ce que requis je lui ai me tourne tout mon sens en verte feuille.

Subst. et loc. Quan n' ac pres lo vert e 'l madur.

Bertrand de Born: Pus lo gen.

Quand il en eut pris le vert et le mûr.

Adv. fig. De sa 'spaza lo brans vertz aceiris. 

Roman de Gerard de Rossillon, fol. 25.

De son épée le glaive fraîchement acéré.

ANC. FR. Si que il n'i paroît que l'erbe vert. Joinville, p. 29.

CAT. Verd. ESP. PORT. IT. Verde. (chap. Vert, verts o verd, verds; verda, verdes. Lo cap ben vert minge camembert.)

 

 

2. Verdet, adj. dim., verdelet. 

Ab aitant de fenoil verdet.

(chap. En tan fonoll verdet.)

Deudes de Prades, Auz. cass. 

Avec autant de fenouil verdelet.

Subst. Verdet, vert-de-gris.

Se fa verdet, per vapor de fort vinagre, de platas de coyre.

Verdet de coyre.

(chap. Verdet de cobre; lo sofat de cobre es vert.)

Eluc. de las propr., fol. 267 et 228.

Se fait vert-de-gris, par vapeur de fort vinaigre, de plaques de cuivre.

Vert-de-gris de cuivre.

CAT. Verdet. ESP. PORT. Verdete. IT. Verdetto. (chap. Verdet, verdets, verdeta, verdetes.)

 

3. Viridat, s. f., lat. viriditatem, verdure, couleur verte.

Alcuna negror o viridat. Trad. d'Albucasis, fol. 53.

Aucune noirceur ou verdure.

 

 

4. Vergier, Verdier, s. m., lat. viridarium, verger.

Quan serem sol dins cambra o dins vergier.

Bertrand de Born: Ieu m' escondisc. 

Quand nous serons seuls dans chambre ou dans verger.

El verdier, la flors trembla.

(chap. Al vergé, la flo tremole; jardí.)

A. Daniel: Lanquan.

Au verger, la fleur tremble.

Fig. Aquel bel jardi e 'l vergier del cor hon es virginitat. V. et Vert., fol. 95.

Ce beau jardin et le verger du coeur où est virginité.

ANC. CAT. Verger. ESP. PORT. Vergel. IT. Verziere. (chap. Vergé, vergés; jardí, jardins.)

 

5. Vergiera, s. f., vergière, sorte de poésie.

Pastorelas e vergieras. La Crusca provensale (provenzale), p. 93.

Pastorelles et vergières.

Vaquieras et ortolanas e vergieras. Leys d'amors, fol. 42.

Vachères et hortolanes et vergières.

6. Verjan, s. m., verger.

Quan la novella flors par el verjan.

Bertrand de Born: Quan la.

Quand la nouvelle fleur paraît au verger.

E 'l flor brotonon per verjan.

B. de Ventadour: Quant erba.

Et les fleurs bourgeonnent dans le verger.

7. Verdura, s. f., verdure.

E 'l temps gensa ab la verdura.

P. Rogiers: Al pareissen.

Et le temps embellit avec la verdure.

CAT. ESP. PORT. IT. Verdura. (chap. Verdura, verdures; verdó, verdós.)

8. Verdor, s. f., verdure, verdeur.

E 'l ramel carguat de verdor. 

Arnaud de Marueil: Lo gens.

Et le rameau chargé de verdure.

Fig. loc. S' a ma dompna fos bel,

Tener me pogra en verdor,

Cum son leial amador.

P. Vidal: Mout m' es bon.

Si à ma dame il fut beau, tenir elle me pourrait en verdeur (joyeux), comme sont loyaux amants.

ANC. FR. Vie et verdor toz bois revaist.

Roman de Partonopex de Bloys (Blois). Not. des Mss. t. IX, p. 7.

Tous les arbres adonc sont vestus de verdeur. P. Hegemon, p. 48.

CAT. ESP. PORT. Verdor. IT. Verdore. (chap. Verdó, verdós.)

9. Verdejar, Verdeiar, Verdeyar, v., verdoyer, verdir.

Pels cortils vei verdeiar los lis.

B. de Ventadour: Bels Monruels.

Dans les jardins je vois verdoyer les lis.

Fig. Ades, a quasqun jornau,

Sai viu e verdeja

Sa valors.

Pierre d'Auvergne: L' airs clars.

Incessamment, à chacune journée, ici vit et verdoye son mérite.

Part. prés. Pueys fetz las herbas verdeyans. Brev. d'amor, fol. 17.

Puis il fit les herbes verdoyantes.

CAT. Verdejar, verdeyar. ESP. Verdear. PORT. Verdejar, verdear. IT. Verdeggiare. 

(chap. Verdejá o verdechá.)

 

10. Reverdejar, Reverdeiar, Reverdeyar, v., reverdir.

Reverdeja lo pascors.

(chap. Reverdege o reverdeche lo prat.)

Giraud de Borneil: Quan lo fregz.

La prairie reverdit.

Fig. Adoncas ieu reverdey

De joy.

G. Rudel: Lanquan lo.

Alors je reverdis de joie.

ANC. FR.

Afin que vos vertus et vos actes guerriers

Facent reverdoyer des chantres les lauriers.

La Boderie, Mesl. (mélange) poét., p. 78.

(chap. Reverdejá, reverdechá.)

 

11. Reverdir, v., reverdir.

Bel m' es quan l' herba reverdis.

(chap. Bell m'es (m'agrade) cuan la herba reverdix o reverdege o reverdeche.)  

R. Vidal de Bezaudun: Bel m' es.

Beau il m'est quand l'herbe reverdit.

Fig. Amors novelha

Mi fa 'l cor reverdir.

A. Daniel: Quan chai.

Amour nouveau me fait le coeur reverdir.

Subst. 

Per reverdir de prada.

Rambaud d'Orange: Non chant.

Par le reverdir de prairie.

CAT. Reverdir. IT. Riverdire. (chap. Reverdí.)

 

12. Reverdezir, v., reverdir.

Pus vezem de novelh florir

Pratz, e vergiers reverdezir.

Le Comte de Poitiers: Pus vezem.

Puisque nous voyons de nouveau fleurir prés, et vergers reverdir.

Fig. E 'l bon respieg que mi reverdezis.

B. de Ventadour: Bels Monruels.

Et la bonne attente qui me reverdit.

Part. pas. Quan l' erba es reverdezida

Els pratz.

B. Martin: Quan l' erba.

Quand l'herbe est reverdie dans les prés.

ESP. PORT. Reverdecer.