Chastel d'amors. Las portas son de parlar

Chastel d'amors.

Ms. du Vaticain 3206, fol. 1: la première page est effacée. Cf. A. Thomas, Annales du Midi, 1889. - Grdr. § 32, p. 50. St. p. 46.

Las portas son de parlar

a l'eissir e a l'entrar: (al eixí y al entrá; a l'eixí y a l'entrá)

qui gen non sab razonar,

defors li ven a estar.

E las claus son de preiar:

ab cel obron li cortes.

Dedinz la clauson qu'i es

son las maszos dels borges,

o l'estraing fan lur conres:

so son trop adreitas res,

joias e anels trames

per entreseignas d'amor. (per entreseñes d'amor)

Lainz son li vavasor,

cels qui servon lor seinhor,

donzellas de gran valor,

qu'om prega per grant douchor (dolsor; dolsó)

de son be e de s'onor,

aqui o es maior atz.

L'autre portals es fermatz

totz temps d'estar als privatz

de baisars soau don atz,

no ges com vilana patz:

e pois aquest es passatz,

pois no i ha nuil defensal. (no ña)

Mas qui pass' aquest fermal

e plus a enant non sal

aferir fa res a mal;

e cil qu'i met retenal,

pois hom en aitan i fal,

non sap gaire pro d'amar.

Lainz se deu gran soing dar (lainz : allá dins, adins; apellit Laínz)

qu'om no l puescha engignar

qui vol la forcha gardar;

que se l pas lassa passar,

ja pois a enan no l gar,

mais meta l en chausimen.

Dedinz aquest mandamen

estan dolcess' e joven:

d'acuillir e de presen

son e de respondre gen

e d'atendre convinen,

pois ja no i er fals negus.

Las salas el torn desus

son de manear lo plus (manear : manjar : minjá)

e de jazer en luec clus,

totas nudas ab los nus; (totes despullades en los despullats)

e las fenestras e l'us

son faitas de bels semblans.

Primer li mur fan enjans

de gran mal e de afans,

que fan sofrir als amans,

tros ques aian lur talans,

quar non l'acoillon enans:

don l'an ben recognogud. (reconegut)

Las chambras son de salud, (les cámares, habitassions)

al partir qu'il an agud, (agud : avut, agut; hagut, tingut)

e de plaideiar lor drud, (drut, drutz : enamorat, festejadó)

quan forfaig i es nascud,

e de celar car tengud

ester aqui o a luec.

Lor celarer e lur cuec

son tuit de ris e de joec

e de parlar ses ennuec:

lainz non cal autre foec

mas amor, per que o moec

qui lur fai estiu tot l'an. (nascut; tingut; lloc; joc; foc; moc) 

Lainz non venon ni van

merchadier ni negosan, (mercadés ni negossians)

ne ja re qui atalan 

hom per aver no i deman,

mas sol ço qu'es de gran ran;

qu'aiço tenrian a mal. (qu'aixó tindríen a mal)

XIV, Gui d' Uiselh, be m peza de vos,

XIV.

Gui d' Uiselh, be m peza de vos,

Quar vos etz laissatz de chantar,

E quar vos i volgra tornar:

Per que sabetz d' aitals razos,

Voill que m digatz si deu far engualmen 

Domna per drut, quan lo quier francamen, 

Com el per lieys tot quan tanh ad amor, 

Segon lo dreg que tenon l' amador.

Domna, Na Maria, tensos

E tot chant cuiava laissar;

Mas aoras non aus mudar

Qu' ieu no chant al vostre somos:

E respon vos de la domna breumen,

Que per son drut deu far comunalmen,

Com el per lieys, ses garda de ricor;

Qu' en dos amics non deu aver maior.

Gui, tot so don es cobeitos

Deu drutz ab merce demandar;

E domna deu l' o autreiar,

Mas ben deu esguardar sazos;

E 'l drutz deu far precx e comandamen,

Com per amigua e per domn' eissamen;

E domna deu a son drut far honor,

Com ad amic e no com a senhor.

Domna, sai dizen entre nos

Que, lai on domna vol amar,

Engualmen deu son drut honrar,

Quant engualmen son amoros:

E s' esdeve qu' ill l' am plus finamen,

Li dig e ill fag o devon far parven;

E s' a ves lieys fals cor ni trichador,

Ab bel semblan deu cobrir sa dolor.

Gui d' Uiselh, ges d' aitals razos

No son li drut al comensar;

Ans ditz cascus, quan vol preiar,

Mas junthas e de genolhos:

Domna, vulhatz que us serva humilmen

Com lo vostr' om; e s' ella enaissi 'l pren,

Ieu lo jutge per dreg a traydor,

Si s fai pariers e s det per servidor.

Domna, ben es plaitz vergonhos

Ad ops de domna razonar,

Que no tenha celui per par

Cui aura fag un cor de dos.

O vos diretz, e no us estara gen,

Qu' el drutz la deu amar plus leialmen;

O vos diretz qu' ill son par entre lor,

Que re no ill deu lo drutz mas per amor.

Gui d' Uisel et Marie de Ventadour.