41. Simone Doria e Giacomo Grillo.
Dal canz, O.
La tensos d' en Symon e d' en Jacme Grill.
Segn' en Jacme Grils, eus deman,
car vos veg larc e ben estan
e qar per ric pretz sobeiran
e per saber es mentaubutz,
qe me digatz perq' es perdutz
solatz e domneis malvolgutz.
Cobeitatz q' es vengud' avan,
nos ha tot bastit aqest dan,
en Symon, qe las dompnas han
amor e domnei gen tengutz,
mas per les cobes recrezutz
rics drutz be s'es abatutz.
Segn' en Jacme, mout es sennatz
e primamen vos razonatz;
mas qar dizetz qe cobeitatz
n' ai zo mogut, vos aug faillir;
qar tost con son al mieu albir
aitant o plus nol devetz dir.
