43. Anonimo.
Secondo il testo edito dal Bartsch (Peire Vidal's Lieder, p. 135).
Quor qu'om trobes Florentis orgulhos,
er los trob' om cortes et avinens,
de gen parlar e de plazens respos.
ben ayal reys Matfre, quel noirimens
lor a fait dar et aver dol e lanha,
quel cap en son remas mains en despuelh.
ai! Florentis, mortz etz per vostr' erguelh,
qu' erguels non es si non obra d'aranha.
Oi! rei Matfre, vos es tan poderos,
qu' ieu tenc per fol selh qu' ab vos pren contens,
qu' ieu vey que sol un dels vostres baros
als Florentis destruitz els fai dolens,
si qu' ieu non cre qu' en plan ni en montanha
trobes hueimais quius sia de mal acuelh,
ni no conselh a cels del Canpiduelh,
qu' encontral rei passon tost en Campanha.
