36. Il conte di Biandrate e Folchetto di Romans.
Secondo la lezione di H.
Lo coms de Blandra:
Pois vezem q'el tond e pela
Falkez e no gara cui,
s'eu era nom gart de lui,
serai folz, zo poira dir.
pero conseil li darai gen
et er folz s'el no l'enten:
c'ades tegna son viatge
dreit lai vas son estage,
qe zai van las genz dizen,
qe per cinc cenz marc d'argen
noill calria metre gage.
Falqetz de Roman li respos:
Aissi com la clara stela
guida las naus e condui,
si guida bos prez selui
q'es valens, francs e servire.
e sel fai gran faillimen,
qe fo pros e s'en repen
per flac avol corage;
q'eun sai tal c'a mes en gage
prez e valor e joven,
si qe la febres lo repren,
qi l'enquer, tant ll'es salvage.
