8. Audrics del Vilar.
Secondo il testo ricostruito dal Suchier (Jahrbuch für romanische und englische Sprache und Literatur, XIV, 145).
Tot a estru vei, Marcabru,
que comjat volez demandar.
Del mal partir non ai cossir,
tant sabez mesura esguardar.
Ja non creirez d'aquesta vez
cels que nos volian mesclar.
Bem tenc per mois, si non conois
cals te vol faire folejar.
Grans er tos sens, si tenzai prens
per nuilla paor de chantar,
Eil rauca voz, que rascla, el gloz
er en garsillan aut e clar.
S'agues aver e mon poder,
guarniz vos fora del donar;
E car non l'ai, n'aurez balai
e non podez ren al portar.
Petiz enfanz m'as trobaz tanz,
que l'us non pot l'autre levar.
Cist m'an escos, fei que dei vos !
tot quant eu solia gabar.
De grant folles t'es entremes,
con fez lo moutos de l'anar,
Cant sai d'Ebles a mi vengues
per negun aver conquistar.
Reconogut t'ai, Panperdut,
quem cuidavas ton nom celar.
Can tornarez segurs serez
de seignor et eu de joglar.
