Johan de Pennas.
Un guerrier, per alegrar,
vuelh comensar, car m'agensa
que non lo dey plus celar;
trop l'auray tengut en pensa:
e guerreiaray d'amor,
endomens que ma guerrieira
a trobat guerreiador
que guerreia volontieira.
"Guerrier, ben vuelh guerreiar
ab vos d'amor, ses failhensa;
car sapchas, non puesc trobar
hom de milhor entendensa
ni ja plus fin aimador
qui milh sapcha la karrieira
de ben amar per amor
ni tengua sa laus entieira."
"Guerrieira, sobrelauzar
mi voles per benvolensa.
Ben vos vuelh dir, ses duptar,
e jur vos per ma crezensa,
que vos est de beutat flor,
que non say on ieu mi quieira
que miels del dart d'amor fieira."
"Mon guerrier, cortes d'amar,
sapchas que gran penedensa (sápigues que gran arrepentimén)
sufri, car no us aus mostrar (vach patí, ya que no vach osá mostratos)
l'amistat gran de valensa
qu'ieu vos port; car gran secor
mi fora, si la manieira
non fos del lauzengador (lauzenjador)
maldizen, qu'es trop sobrieira."
“Ma guerrieira am pres clar,
plena de gran conoissensa,
non vulhas per so laissar, (no vullgues per naixó dixá)
qu'ieu suy en vostra plevensa; (ieu suy : yo soc)
car qui ama sa honor
lialmens ni vertadieira,
non deu pas aver temor (non + pas, negassió típica del ocsitá)
de presona lauzengieira."
"Guerrier, per vostra valor
vos seray lial guerrieira;
car vos portas per lauzor (vos portéu; portatz)
de savia la banieira."
