54. Il Conte d' Empurias.
Dal canz. P.
Responsiva del con d'Enpuria.
A l'onrat rei Frederic terz vai dir
q' a noble cors nos taing poder sofragna
peire qom te, e pusc li ben plevir
che dels parenz ch' aten de vas Espagna,
secors ogan non creia ch' a lui vaia;
mas a l'estiu fasa cont chels aia
e dels amics, e tegna lioll ubert
che l'acoilla pales e cubert.
Ne nos cuig ges chel seus parenz desir
ch' el perda tan chel regne noil remagna
nel bais d'onor per Franzeis enrechir,
ch' en laiseron lo plan e la montagna.
confundals Deus e lor gorgoil dezaia !
pero lo rei e Cicilian traia
onrat del faitz chel publat el desert
defendon ben, d'acho sion apert.
Del gioven rei me plaz car non s'esmaia
per paraulas, sol q' a bona fin traia
so chel paire chonquis a lei de sert;
e, sil reten, tenrem l'em per espert.
